خدا قلب جهان است
فلک آدلی طبیبین مستی یم هرگون / مئی یه مندن له له ین حوسنونه یاندیم
دوشون اوسته سئوگیلیم کسیک دیلم بیر گونوم هفته سن،آی منده ایلم ! باشاباش اوددو بو سئوداچولوموز یویونان واختدا باشینداشن گیلم الینی یاواش یاواش چک بئلینه! اوخویان چاغداکی قالیندا قیلم نه قده ر اوتلاسا قوی اوتلاسین عشق سئومه یین بیر توکو اولمازسا میلم! وورغون اینسان توخوماز یالان سوزو خایالینلا اوچماسام نینده زیلم هانسی قوشدور اوچوشون ساتیب ده نه قول-قانادسیز قفس ایچره طیفیلم سئوگی سیز تاج،باشاکوللوک کیمی دیر منی سنده ن آییران چاغ زیبیلم دیلی دینج دورماسا لئیلیم سوزالار ! دئمه دوشکونله میسن زنجفیلم ال آیاقدان گئده رآج-سانجی قارین بیر قاریش آلتداکینا سانما شیلم ذلیل انسان « اوراباخ » دردی توتار زینقیروودان نه چیخار کار طبیلم ! ائشیدیلمز هارایا فیشقا گوله ر سانما دونیا قیزیلیندان قزیلم هوس ایچره بوغولان قوشون کیمی ... دئمه دای « امیر بازاریم »، گجیلم ! سپگیلی خال گوره بیلسه ن کئچریک یوخسا دینارکیمی دیر همده نیلم باخما موسی متحیـــردی بیزه کال بادیمجان کیمی فیرعون شیتیلم ! نه بیر دویغو،نه بیرسئوگی،نه بیرسئودا! نه بیرهین هین،نه بیر هوققوش... بودور دورغون یاشام سوزو، بودور باتلاق اینام دیلی: ییرتیق دوشه ییمدن دئمه ییب یورغان آداملار اورت باسدیر ائدیب گئرچه یی مال ،حئیوان آداملار آجلیقدا دوغولموش کیمی دویماز گونو قالین ! سونجوقلایان ائششک کیمی دیر باتمان آداملار بیر پونــــزا آداملیــــق تاپابیلسه ن اولارام من قوربان کسه جک گوزلرینه ساهمان آداملار پیس زاددینی قانماز دوغوز اینسان پوخون اوتلار قووماز قارینین اینسان اولان اینسان آداملار ایتدنده پیسه م من بو سوزومده یالان اولسام اوخداندا به تر گوز چیخاریر یایدان آداملار...! من بویدا پوخــــو سن متحیـــــــر قاشیغینلا تئز تئز آشیر آرتیق یئیه جک بئیمان آداملار... گولسه نده گول اولسون یئری واردیر یئنی ایلده آللاه دئیه ن اولسا یاشاریق شئیطان آداملار ایکی آیاغینی گئییب بیر باشماغینا دویغولاریم اوره ییم توکوله توکوله...بایرامی گوزله ییر، الی بوش آرزیلاریم! بیر ایلده بئله کئچدی دئیه توموب سئودالاریم، هئچ اوزونه آلماییر قوجالیغین ده بک دوشونجه لریم ایستک لریم دونا دونا بوز باغلاییب اوچ ایللیک، رئزین قالیشلاریم... کیمیسی خرجله ییر، کیمیسیده خرجله نیر! آلان آز اولسادا چوخوساتیلیر بانکانی اوکیان بیله ن بایرام بالیقلارینا، خوش گلدین ائدیر،کئچمیشده قالان ایندی یه بنزه ر سونرالاریم... شیشمان سئوگی کدرلریمه،باتاجاق بیرگون قیش صیفت یازلاریم! یئر لی یئرسیز باخیشلاری،آلقیشلاماییر موفته قوربان کسمه لره ایت جانی وار،پیس اوزلو، گونوقالین اومودسوز ساققیزکیمی سوواشان ایچ-آلاتیم... بایرام نه یه گلیر گوره سن؟ قیرجاناقیرجانا! سیزی بو آلمانین سوپ-سولو شیرین جانی ! قیپ-قیرمیزی صوراتلاری، گورو سوز نئجه لم لم یانیر؟ یئمه لی دیلی یوخ بئله!کسیلمه میش نفسی، بیچیلمه میش بوغازی... اوپمه لی دوداقلاری گولراوزو... قیرتمالی بوخاغی اییله مه لی بوی-بوخونو بوشقابا قویمالی دوروشوغو سویولمامیش قابیغی...! شیمشاد چوپو بللی اولمایان پولوشو بایرا م قاباغیدیر بیر آزدا سیز گولون گوناه اولماز! اوستاد دئمه رم بیر ده گولوم اینجیمه مندن اینسان ده یه رین بیلمه سه حئیوان کیمی قانماز هر خیردا چورکچی له دوشن کیم شاطیر اولماز قورد نئیله سه ده دوستونو آسلان کیمی قانماز یون یاخشی قانار زید-زیدی پروین دیدیلر کن حاللاش دوشه یین دردینی یورغان کیمی قانماز زودداشاما بو دونیا دویونون هئچ کیم آچانماز...! دون یئرکوکونون حالینی دووشان کیمی قانماز هر پئندیری من یاخمامیشام سنگه ییم اوسته شور صوحبتینی تیلته چی لیقوان کیمی قانماز آبدیقلا آچیلمیش داماغیم پیتزانی سئـومز...! اورمو ده یه رین پوخ قویوسو،وان کیمی قانماز آز ســویله آرازدان متحیــــر صمــــد اولمــز... ائل دردینی هاردان قاناجاق خان کیمی قانماز؟! گونش بیر قورتوم سو وئرمه دی آی اوزوندن چیخارکن... اولدوزلاردا یوغورت آغاجیندان دوشمه یه فیکیر له شیر دیر لر! یئددی گویو آز بیله ن کونلوم بیر قارالمیش بوغدا بویوندا اوز وارلیغینی ایتیرمیشدی نه دن آریالیغا دا چیخاریم یوخدو منیم دئدی: چول -باییر؟ گوی قورشاغینین گوزللییین توسباغا بئلینده ده گورمک اولار! هدیکله نن اریکلریم بایرام بالیغین لاغا قویارکن یاغمورلو گونده قوردلار جوت جوت دوغار! یاغمور بیلسه هارالاردا اوتوراجاق بولودلارین بویونو اوخشارکن دیده ر اوز-گوزونو گونش،قورتوم،ِ،آی،اولدوز،یوغورت آغاجی، یئددی گوی هامیسی اوزاقدیربو یاخین قارالمیش بوغدا بویوندان...! بو آرادا سئچه ن گونوزله سئچیله ن گئجه نه دئییر ایله بنزه ر ،آی،هفته دردی توتان گونه؟ قوی سحر اولسون آخشامین کین آخشاما وئرره م دئیه گوله گوله داراشدی اوزون سئچیب آییرماغا! منده اوزومو سئچدیم،دردلریمه هرنه دن یاخینیمی ال آچماز اوووجوم یوموروغوما! دومسوکله مه... آدی قولاغینا یئتیشه ن گونلریم قارالتدی ساییلماز یاپراقلاریمی... یئکه باش دویغولاریم ازیر، کوچه باشین کسه ن ال-آیاقسیز ایستک لریمی قولدور دوشونجه مده مینیب هامیسین... آما سایان کیمدی؟ بیزی،بیز اوسته ن باتیریر،اوکیم من کیم؟ اتی قاتیر سومویه! آتالار دئمیشکن: لوت لوته دئییر تومانچاق! "ده لی کور"رومانی دوشور یادیما اودوخارکن آلما یئرینه باشیمی توولایاراق، آغیر لیق ائدیر یونگول بئیینلیییم! بیر کال تورشولوق بامادورونو، هرده ن آرخاسی اوزرینه اوزانمیش سئوگی له، چکیرم کومور دن قارا قورد یئمیش دیشیمه... انگیمده یئریکله ییر آغیزی دادسیز گلین کیمی، ایسلانماز قورودا! بئله لیکله قارین قارینا دئییر پوخ تولوغو... آرواد-اوشاق، هئچ سئومه ییر خیمیر خیمیر گوزیاشیمی آخیدام، نامرد سورغولاریما... نه ایچین بوگیجلییه باش ایدیم یازاراق؟ شیللاق آتیر آلنیم دابانیما! دئییر سور دره یه،داغ باشیندا بال توکمه ییب لر اولو گوتو! باغیشلا منی! یازین بونو باش داشیما: "قارین قولو خالقینا یانماز" هارا گئدیر بو اوره ک؟ نه ایسته ییر یوموروقجا ات پارچاسیندان زامان؟ گویده ن دئیه رک یئره یاپیشیب اینام... بئشییه باغلی وارلیغیم نیسگیللرین ، ائکیز دوغور اسکی-به لک سیز یوخوما! قوی بیتمه سین بو ایستک لر کورپه دوداقلاریم سودوک آتیر بیر ایچیم دوزه، سودده یالان قوللارینی چیرمالاییر امزییین اوجوندان آنا دوشونه هله ده حسرتدیر دیلسیز باخیشلاریم قیغیلدانیر په په یه، بارماغینی سورور اومودداشیم! اوز اوزون سووودور دیله ک لریم... الینی وورما امجه یینه! اوتانیر اوپوش دئمه یه،آما گوتوروب دونیامیزی، دول ماچی آنقیرتیلاری... نه نه سینین اوغلو،نه نه لیک کیمی، دده لیک ائدیر باجی-قارداش سیز لوت جانیما! قابار جیمدیییم،شیشمان قیرتیغیلا پایلاشارکن، قوندارما دیشی یاخشی وئریر ایستی اوت پاییمی، دا آغیز قالماییب... موشدولوق دور بولار هامیسی! کیمسه لی لیغ، کیمسه سیزیاغیشین ال-قولونودالیدان باغلار، گوزللیکده قیغیم! چالیش کیمسه لی بیر تزه ک اول گولوم، یوخسا یولوشدورارلارسنی... دئمه ییرم منه تای کوپوکلنمه ییب دوز هله! اوز ایچین یئییر یاشام! آلنینی قاشیق کیمی دیرناقلا قازما گیله م آغیلا-قیرمیزیسی قاراسیندا ایتیب چولاق ایت کیمی کوللوکده گون کئچیر تمه یه خوشدور گه له جک! یاسلی بولودلار توی کوینه یین تاخیب، یاراشیق سیز اینینه نییه سین بیلمه مه یه چالیشیر مویدا ایستک لری کیم ییغاجاق خییاوندان؟ ائل،ایگید،چوره ک،سئوگی،قولچاق، قاریشیب تولولویه،اوزون سوخور گوزه اییه سیز! بیر آددیم قاباغی گورنمه ییر بو اوزاق باخیشلار من،من،من،یئنه من... مین گئده دن بویلو سورتوک گونوز، حامام سویوندان توتولان دوست قوجاغیندا، قولدور گئجه نین مایماق اته یینده، بیر سوروگیج،دامارسیز دویغو دوغاجاق! آلقیشسیز،چپیکسیز،هارایسیز کیم ییغاجاق دیر ناقسیز دیرناقلاریمیزی؟ دفه،پیچاق،ایپک،بوی، هامیسی آسیلیب فوتبالجی قوشباز اووسونجو، ایلانییندان! چالماسی اوپوش دادینداسولو بیر ماچی... آزقیرجان خان اوغلان نه دئییم قیزدان دونمه لره؟ یوخ!ایپیم قیریلدی گوله گوله آغلاماقدان نه گوزل یاشاییریق! تورکون دیلی اون دورد گئجه لیک آیدی گوزللر گویچک لییینه دونیادا هئچ دیل چاتا بیلمز! یاردان دئیه اویماز یادا ایستکلی باخیشلار خال سئومه ده جئیران گوزه سپگیل چاتا بیلمز سئومز قارا دیللر له قاریشسین آنا دویغوم! سوددنده آغاپباغ دوشه چیل چیل چاتا بیلمز وورغون کرمه اصلی سی کیرشانلا بزه نمز! بیر ده یقه بوشالماز اوره یه ایل چاتا بیلمز تاریخده ایته ن توراتی آختارما تاپیلماز قورآن بویونا هر نه سه اینجیل چاتا بیلمز قارغایلا دوشه ن بولبولومه دونیا قفس دیر نین دن متحیّر زیله ایچگیل چاتا بیلمز گویلر ده اوچان قارتالی یئر قوردو به ینمز داغلاردا گزه ن اوولارا سوم فیل چاتا بیلمز هر کیمسه قیراق گزسه اوزوندن اوزو گولمز داددان دئیه رک نارگیله ازگیل چاتا بیلمز گون دردی توتان بئی لره آلقیشدی بو آلتین! آلقیش آلان اینسانلارا نیسگیل چاتا بیلمز هر بوینو یوغون پهلوانا تختی دئمز لر کبباده مقاماتینا دمبیل چاتا بیلمز! دین سیز گولومو یولدو گولاب ایسته دی مندن بیر خط سوزو گئج قاندی کیتاب ایسته دی مندن آللاهدان اوتانماز یئنه پیس شیخدا قاتیبدی ویجدان نیه لازیمدی عذاب ایسته دی مندن یارب بیر اووج زای قورادان مئی ده چیخارمی؟ هئی ازدی سوز آلتیندا شراب ایسته دی مندن ساللاق دئمه نامرد دریمی سویمامیش آسدی جان چیخمامیش اوچ نقطه کباب ایسته دی مندن چکدی شیشه روحوم آلیشارکن دئدی واخ واخ دونموش قانا باخدیقجا خضاب ایسته دی مندن چنگ اولدو سماواتی میز ارض اوسته بو قصریم های کویده سازین چالدی روباب ایسته دی مندن باش ساغلیغی بیلمز نه دی شئیطانه ایه نلر! چول قویـــدو خراباتی ثــواب ایسته دی مندن لئیلا کیمی مجنون دا بوراخمیشدی سئوالی مکتب دن اوزاق یئرده جواب ایسته دی مندن یارب نه دئییم "هیْت’ لک’ "یندن بو زولئیخا یویسف کیمی نقشینده برآب ایسته دی مندن اولسه مده بیلیر دامنی عشقیم اله دوشمز قورد کوینه یی ییتمیشدی حیجاب ایسته دی مندن کنعاندا گوز آچمیش حیاسین میصری ده توکمز ایمانی میز آباددی خراب ایسته دی مندن یارب متحیرده بیر اولدوز کیمی آخدی گویلرده ایتیب باتدی شهاب ایسته دی مندن ای وای نه یامان درددی سئویلمه ک سئومک له پوسان درددی سئویلمه ک قاندیرداماریمدا گیزلی سئوگیم! سئومک له آخان درددی سئویلمه ک یارسیز نفسیم اوددو سینه مده سئومک له یانان درددی سئویلمه ک ! مجنون نییه لئلی سیز یورولماز ؟ سئومک له قاچان درددی سئویلمه ک هئچ کیمسه یه بئل باغلامییب گول سئومک له آچان درددی سئویلمه ک فرهاد کیمی شیرین کولویوم وار! سئومک له یونان درددی سئویلمه ک عاشیق گوزو دینجه لمز اویاق دیر سئومک له یاتان درددی سویلمه ک اولدوز سایاراق شیمشه یه بنزه ر سئومک له شاخان درددی سئویلمه ک باتدیقجا گونش آی کیمی پارلار سئومک له چیخان درددی سئویلمه ک داغ ـ داشدا گزه ر کونلو سینیق لار سئومک له دوغان درددی سئویلمه ک نئی ده ن یارانیب سازلی اوره ک لر سئومک له چالان درددی سئویلمه ک سئودالی اته ک قان یاشی چکمز سئومک له دولان درددی سئویلمه ک چن دیر رفیقیم، شفیق ساچیمدا! سئومک له یولان درددی سئویلمه ک واخ واخ نه یانیب دیر متحیّر؟! سئومک له قالان درددی سئویلمه ک یومورتاسی ته رسه دوشن سوچلارین ایت یالانی دئییر منه یوم دوستاق گوزلرینی چورودور اوره ییمی شئح باخیشلارین اپریدیر دیله ک لریمی داها ایسته میرم مین قات دول سئوگینی اوغلان یاشامالییام گوره ر قیزلیغیم! بودا کبینین... سیزی تانری... اولدورمه یین دئییم دوزون من ده لمیشم اوز باغریمی! هئچ کیمسه ده یوخدور سوزوم آچین داری قویون گئده ک... گوله گوله! بسدیر بو های ، بسدیر بو های هله لییه! وئردین دویور ووردون ییخی اینانمیشام یالان دئمه... قیراقدا دور اویون بازدیر ایناملارین آخسالتما دای کئرچک لری قارا اوزدور باخیشلارین یازدیقلارین پوزدوقلارین پولدا نه وار یازیق قلم؟ ساییلمادین هئچ بیر زامان نه آغیندا... نه بوزوندا... کیم نه بیلیر نه چکمیشم؟ جان اوسته دیر سفیل جانیم لئیلی دئیه ن مجنونا تای شهریاریندی زیل جانیم آلما کیمی سئویلمه ییب هئیوا سئون شیتیل جانیم دوم-دورو آینادیر سوزوم په رم په رمدی گیل جانیم سورمه چکیب آییق گوزه مورگو دویوب حمیل جانیم یون دوشه ییم یورغان اولوب خان مالی دیر میتیل جانیم گوره نمه ییب قاش -گوزونو خالین سئویب زیگیل جانیم دوداق بوزوب خوش گونومه بال حسرتینده دیل جانیم گولوم سانیب تیکانلارین عزیز له ییب ذلیل جانیم چالیب یئره بوم-بـوشومو داغیلماییب دخیل جانیم کیم ییغاجاق سینیق لارین؟ ساخسی دئییل قزیل جانیم باشارمادیــــم بازار دیلین قیزیلچی دیر گجیل جانیم شمسینه قوربان کسیلیم کوللوک اولوب زیبیل جانیم کیم متحیــــرله چیمیــر؟ شهریار آدلی نیل جانیم! سن دیزیمین طاقتی سن یالواریب هئی قال دئمیشم اریک کیمی تپه رزه سن! هاچان سنه کال دئمیشم؟ هر کیم سنه په تک دئیه اوزوم سنه بال دئمیشم هرزادینی گوزه ل گوروب سپگیلینه خال دئمیشم ! نئی کیمی سیزلاییب جانیم دورما پادار چال دئمیشم بودور گوجه نمز عشقیمه عومره سورن حال دئمیشم سنله آچیلمیش دیلیمه گوسته ریجی لال دئمیشم اولدوزو آیلا بیر له ییب گونش تئله شال دئمیشم یایداکی بوزتک ارییب کئف هایی تونقال دئمیشم جنون چولونده لئیلی سیز الیف بویا دال دئمیشم کهلیییمی قاپیب قاچان کافتارا چاققال دئمیشم آسلانا قیسمت اولمایان چال پاپاغا آل دئمیشم ! قیرمیزی بورکده ن نه چیخار ؟ جان قویانا مال دئمیشم اته ک دولو سئوینج ایله کولگه سیزه تال دئمیشم آراز چاییندا توی توتوب شهریارا سال دئمیشم ! من متحیّر تو ته یه ائل گوجونه چال دئمیشم اؤلوم اولسون بو یالان دونیانی اویناش توتانا مولامیزدان بوشانان دونیانی اویناش توتانا یوخ صنم آنلامادیم آلمامیش آنجاق بوشادی توربا لازیمدی سامان دونیانی اویناش توتانا ائله بیر دولدو کی آی پارچالارین سوخدو یئره قارنی آج سویله پالان دونیانی اویناش توتانا گونو قالیندی قولاقدان یئکه باخ بوینونا سن گیزلی سوز ئورمه تالان دونیانی اویناش توتانا یام ـ یاشیلدیر بزه یی قیراق گزه نلر مالیدیر سنده یاس توتما قابان دونیانی اویناش توتانا اینجه بئللرده اومار باخسا بو نازیک بئلینه بوغازین ییرتما بوغان دونیانی اویناش توتانا باشاباش اوددو بو معنانی جانیم بیلمه لیسن اوره یین یورما یوران دونیانی اویناش توتانا گئجه- گوندوز باشینی قاتما بو آرتیق اسکییه بیرده اوز وئرمه ساتان دونیانی اویناش توتانا دیرناغی یوخدور ازلدن قوتورون چکمه اوزه کیشی آد قویما دالان دونیانی اویناش توتانا بیر اوتاقدان نه چیخار دهلیزیمیزده شئح چکیب قاراداش سویله قازان دونیانی اویناش توتانا سو آریتماز بو گوناهدان دولو دام ـ داشینی قان سوواغین یاخما قوپان دونیانی اویناش توتانا متحیّرده بو دولدان کئچه لی چیخدی بره سوبای آدقویما یالان دونیانی اویناش توتانا شهریارین گوجــونه تورکــونـــواوکیــان ائله دیم آدینا قــوربان اولــوم بـــوذری سلمــان ائلــه دیم یئــری وار سجده قیلام آللاها توپـــراق بویـو من ال-آیاق سیز قولونـو گورنئجه سولطان ائله دیـم ایرمی دوردایلده سسیم چیخمادی تبریزده منیم هئی دئدی دوز بالا دوزدوم چولو یورقان ائله دیم آج رعیّت کیمی هئی دویـدوم او ارباب قاپیسین بوغـدامی وئـردی منیم گـونده دگیرمان ائلـه دیم دیلیمی سوزده آچیب قورخومـو توکدو بیر به بیر! محشری یاده سالیب درسیمی قـورآن ائله دیـم دئـدی واللّیــل اوخویوب چوللری گــز مجنـونا تـای عظیمی تاپماق اوچون گنجه نی شیروان ائله دیـم قبــرینه اوز قویـاراق فاتحـــه نی جــــوت وئـــریبن صلــواتین گــوجــونه پونـــــزانی باتمان ائلــه دیـم الینی چکــدی منیــــم کولباشیمــا یولــدان اولام سـوزونه باخمایاراق شئیطانی پئشـمان ائله دیـم سارالان گوللـــریمی دیندیریب عاشیق دیــل ایلـه دیر چه لن سلقه می نازلیم دئیه ساهمان ائله دیم یا علی ذیکرینه عادت وئـــریب آغلاتــــدی منـــی منده جان نقــدینی مــــولا میزا قـــوربان ائله دیـم وطن عشقینـده دینـــی دونیـــامیزا ساتمامیشـام بویوروب سنده باخ اویره ن یـولــون آسان ائلـه دیـم گول ال ایله قلمی وئـردی بـویــوردو یـاز بییــــــول! آجی بیر سووزو کولون جان دئیه ریحـــان ائله دیم قولاغیمدان نه دئییـم چکدی گولوم ده یقه باشی هئیوادان باش چیخاران سربازی ســروان ائله دیـم دئسه لـر کیمـدی دده ن- ننه ن سنین اوتانمــارام سجـده قیلدیقجا بـــو نعمت لره طوفـــان ائله دیـم دئیه رم "پــروین" آنام دیــر گول آتامـدا "شهـــریار" بیــــر اولارکــــن متحیـــر سئلین اوکیان ائله دیم باشی طوفانلی گلیبـدیـر قــوجامان شهریاریم یوخلاسین اوز بالاسین تئز باریشان شهریاریم تبریزین وصفینه شیراز ایله تهران گله لی باکی توپراغینا آنــد ایچــدی دومـان شهریاریم گنجـــه دن باشلادی یاسینه باخین تفسیرینه کـربلادن نجفــــه گوزلـــــری قان شهـریاریــم بو محـرم له صفردن باشیمیز چیخماز اوغـــول ها دئدیم دور دئدی واخ یوخدوقاچان شهریاریم اته یینـدن یاپیشارکن الیمــی توتــــدو منیـــم عمه میز شامه گئدیـر زولفو یانان شهـــریاریم گـوزلریــم دولـدو بو ماتمده بوشالماز اوره ییم قاتدی کـــروانه اوزون صبری یـوران شهریاریم اونــدا گوردوم کی ملائک ییغیشیبدیر باشینا کوثــرعشقینده همـــادن باج آلان شهـــریاریم بو هما راس مبار کــدی سالیب سایه سینـی عرش رحمانه بزه کدیر قانی جان شهریاریم داها بوندان سونرا یار شهری حسینین باشیدیر کونلون ایسترسه باغین بـوردا دایان شهریاریم بو باغین بولبـولو زینب دی یانان باغچــاسینین آدی سجاد آغــا دیــن دردیـــن آلان شهریاریم مـا رایــت ائشیدنــدن جمیــل آغــلار فراتیـــم یارالاردان دئمــه الاّیــه باخــــان شهـــــریاریم دینـه بیلمــز متحیـــــردی بــو یابن الطّلــقا یزیدین دودومانین سوزله ییخـــان شهـریاریــم دیندیر مه قان آغلیــــر یارا کـونلـوم آغ گـونلـــره وورغــون قارا کـونلـوم سن سیـز منه دار نینــدی بـو دونیا اوچماز آراز اوستــون سونا کونلـوم آی دورنا بـویـــوم اینصـافا گــل بیــر کیـم؟خان چوبانیمدیـر سارا کونلوم گوز یاشلاریمی اوزگه سی سیلمز قورشون کیمی داغلیر هاوا کونلوم قورتار منی سن سیزلیک الینـده ن چیخمـاز آغـاجیمـــدان هاچا کونلوم یاش یاش منی ایـدیـن قـــورویـارکن شیمشک دئیه شاخمیر قایا کونلوم بیــر کــورپه اوشـاقدان نه اومورسان دویمــاز اوزومــونــده ن قورا کونلوم توتماز یالانین شوخ دوشون آنجـاق! دوزلـــردن اومـــوب دور آغـا کـونلوم چوللـــــر متحیــــــر بئشیییمــــدیر لایلای دئیه قویمــــاز بارا کــونلــوم زیققینمامیشـام سئوگی یوکـونـدن دار گوزلـــره اویمـــاز قـالا کـونلــوم آغ بیرچه یه لئلیـم گــووه نـــرکـن مجنون کیمی چاغلیر چوخاکـونلوم! 
Abraham Lincoln's letter to his son's teacher
آبراهام لینکولنون مکتوبو اوغلونون اویره تمه نینهHe will have to learn, I know
اوجانا گلیب اویره نه جک،من بیلیره م
that all men are not just
کی تام کیشی لر عادیل دئییلall men are not true.
تام کیشی لر دوز دئییلBut teach him also that
آما اونا همده اویره ت کیfor every scoundrel there is a hero;
هر بیر لات دارغا شاییدا بیر قوچاق وارthat for every selfish Politician,
کی هربیر گای سیاستچی یه there is a dedicated leader...
بیر دیکته اولمامیش آپاریجی وارTeach him for every enemy there is a
اونا اویره ت کی هربیر قانلینین بیریولداشی وارfriend,
Steer him away from envy,
if you can,
ائلییه بیلسه ن اونوکیجیکدن اوزاق سالteach him the secret of
quiet laughter.
اونا اویره ت اورکدن گوله نین سیررینیLet him learn early that
قوی تئز اویره نسین بونو کیthe bullies are the easiest to lick... Teach him, if you can,
بوینو یوغونلار راحات جاسینایئییلر لرthe wonder of books...
باشارسان کیتابلارین موعجوزه سینده اونا اویره تBut also give him quiet time
آما اونا چوخلو زامان وئرto ponder the eternal mystery of birds in the sky,
گویده کی قوشلارین قالارقی گیزینه فیکیرله شسینbees in the sun,
بال آریلارینادا گونشدهand the flowers on a green hillside.
وچیچک لر ه ده داغ دوشوندهIn the school teach him
اوکولدا اونا اویره تکیit is far honourable to fail
than to cheat...
چوخلو شرفی وار ردداولماغین تقللوب ائله مه یهTeach him to have faith
in his own ideas,
اونااویره ت ایناملارینا ایمان یئتیرسینeven if everyone tells him
they are wrong...
بوندان بئله کی هامی دئیه اونلار دوغرو دئییلTeach him to be gentle
with gentle people,
and tough with the tough.
اونا اویره ت کی ایگید ایله ایگید اول برک ایله برک
Try to give my son
the strength not to follow the crowd
when everyone is getting on the band wagon...
چالیش بو گوجو منیم اوغلوما وئر کی"جین جفر"قوشونونون دالیجا دوشمه سین او زامان کی هره ایسته ییر زیرنا چالانلارا قوشولسونTeach him to listen to all men...
but teach him also to filter
all he hears on a screen of truth,
and take only the good
that comes through.
اونا اویره ت هامییا قولاق وئرسین آما ائشیتدیکلرین الک قلبیردن
کئچیردن دن سونرالاپ یاخشیسینی گوتورسونTeach him if you can,
how to laugh when he is sad...
اونا اویره ت قوصصه لی واختدا نئجه گولسونTeach him there is no shame in tears,
اونا اویره ت گوزیاشلاری مان دئییلTeach him to scoff at cynics
بیر ده کی لاغا قوی اتاجی لاریand to beware of too much sweetness...
وچوخلو شیرین لریده باشادوشTeach him to sell his brawn
and brain to the highest bidders
but never to put a price-tag
on his heart and soul.
اونا اویره ت اتین وبئیینین ساتسین لاپ یوخاری ایسته یه ن لرهآما اوره یی ایله روحونا قیمت قویماسین
Teach him to close his ears
to a howling mob
and to stand and fight
if he thinks he's right. اونااویره ت قان سورانلارین چیغیرتیسینا قولاقلارینی توتسون ودوروب دویوشسون فیکر ائدسه لر کی حاقلیدیرلار
Treat him gently,
but do not cuddle him,
because only the test
of fire makes fine steel.
یاواشجا قورخود اونوآمادیله توتما بیله سین چون کی تکجه اود گورمه ک پولادی پولاد ائده ر
Let him have the courage
to be impatient...
let him have the patience to be brave.
Teach him always
to have sublime faith in himself,
because then he will have
sublime faith in mankind.
قوی اینجارلا دوزومسوز اولسون...قوی دوزوملو بیر ده لی اولسون.اونا اویره ت کی اولو اینام داشیسین نییه کی سونرالار خالق ایچره اولواینام داشییاجاقThis is a big order,
but see what you can do...
He is such a fine fellow,
بوبیر بویوک ایستک دیرآما باخ گور نه ائیله یه بیله رسن...اوبیر خوش همقاطار ا تایدیر my son! ! دیلمانج:متحیر منیم اوغلوم
بویور 
سنه دولدوقجا بو من داشـیر گئجه م
آزا اید یکجــه نـه بوللاشــیـر گئجـه م!
هر نه یم چالینمارام سن سیز ایــنان
سئوگینین برک اوزو نو قاشیر گئجه م
داغی داغ اوسته قویوب باغ دووارین
گوزون آیــدین دئیه رک آشـیر گئجه م
قیلیغین یاخشی تاپیب مه له تمه یین
ال چا تینجـا "اووو نا" چـاشـیر گئجه م
دیزینه دو یمه یی او یر نمـه سـه ده
دوزومون "درد ینه" قا تـلاشیـر گئجه م
مئشه سین تئز تئز آیــاقدان سالیبــن
او توروب یالخی چو بوقلاشیـر گئجه م
هله بیر هیر سینه توستو وئر گوره ک!
اوز،اوزایله یئــنه یولــلاشیـــر گئـجه م
ائله کی" تا پـدی" ایتیرمیش" گو لو نو"
او یناغان چیچه کله او یناشیـر گئجه م
ایتی سوز باشارما یان خو ش دیل ایله
او پوشوب گو نوزله باغـلاشیـر گئجه م
یول و ئریب کو نلومه " قوجماز" اوره یی!
یاناشیب گور نه قو جاقـلاشیـر گئجه م
متحیــــرده "سحـــر" دن آخشــاما ...!
بیر دئییب مین گو لو بن یاشیر گئجه م
