هر کسه دوست دئدیم آخیردا منی ساتدی یادا
منه سوز وئردی اورکدن جانینی یاخدی یادا
منی گورجک دئدی قوربان کسرم بسته بویا
دئدی حاتم منه ای– وای الینی آچدی یادا
ایکیده یوخدو سوزوم مین  هاوالی نازلی یاریم
منی گوزدن آتالی اوز چئویریب باخدی یادا
وار یوخون چکدی اوزه حالیمی پیس پوزدو یئنه
هئی دئدی عاشیقی نم وای نه یامان یاندی یادا
کفرو دوغموشدو ایمانسیز دئدی آد قویمییه گل
درمه میش باغچامیزین  گوللرینی  آتدی  یادا
یوخا چیخمیش دئدی وار گتدی منه دولته  باخ
میندی حقین آتینی باطیله تای چاپدی یادا
چوخ بتر چیخدی اوزوندن دا قاییتماز یئرینه
یوسیفین داندی زولیخا کیمی باش قاتدی یادا
نه دئییم من هوشو کسمز بو یازیق باشدا نه وار
بیر دعا قیلدیم اودا یاغمور اولوب یاغدی یادا
بو نه فیرعوندو کی اوندان یوموشاق موسی میزا
دئدی دارتیلمامیسان جان دئیه رک دارتدی یادا
بو دگیرمان منه ایش وئرمز اوغول دارتسا سنی
یوخسا بیر گوندو کی باغریمدا چیخیب باتدی یادا
ال قولون آغریماسین سن گونوموزدن کئچه لی
سانما سئودا گئجه میز   قایناییبان  داشدی  یادا
نه قدر داشسادا عشقیم یادا من یوخ دئمیشم
اودا توز توپراغا تای گوز چیخاریب قاخدی یادا
ائله کی آلدی یئرین سوزلریمیز گلدی دیله
منه خاطیر اوزون اورتوب اوره یین آچدی یادا
دئدیم اینصاف ائله نامرد کیمی پای بولمه منه
الین آچماز متحیر سنه، قاش یاخدی یادا