گول یاشیندان دئمک اولماز قوجا تبریزدی بورا

اوره‌ییدن نه دئییم آخ یارا تبریزدی بورا

قهرمان لاربئجه رن کوز  اته یینده یانمیشام!

خان چوباندان سورشون سیز سارا تبریزدی بورا

ایلقاریندان سبلان بویدا سهندیم  دوغولوب

داغلی داغلار آناسی میش اوجا تبریزدی بورا

اودلودوشلردن امیب قئیرتین اوغلان قیزیمیز

تک  گوره نمز  اونو تاریخ قوشا تبریزدی بورا

تایینی گورمه میشم چوخ  دولاناندان سورامن

گز‌ه ین دیر قیر آتیم ناردانا تبریزدی بورا

یئری وارآلقیشیزین قوناق  گلیر کوراوغلو موز

مایا قویموشدو جانیندان کاها تبریزدی بورا

یارانیش  بویدا اورکدن سوز آچیب  سئوگی  میزه 

گوز آچاندان بری  بی دیر آغا تبریزدی بورا

کیشی لیک دونیاسینین لاپ یوخاری اورنه یی دیر

نئجه  گلدی  له باریشماز یاسا تبریزدی بورا

اولچودن چیخسا بیری پامبیغینان باشین کسه‌ر!

دویماق  اولماز  اوزوموندن  قورا تبریزدی بورا

آما گلسه یئری آسلاندی  قووار تولکولری

دورنا بویدور بوگویرچین سونا تبریزدی بورا

ایکی  مین بئش یوز ایلین دفترینه چکدی  قلم

شهریار شعری کیمین دیرقایا تبریزد ی بورا

یا علی نن اوجالیب دیر بو ولایت باشادوش

قیناماز یوخسولو توخ تک قیدا تبریزدی بورا

گونو گوندن یئر آچیر دونیادا اسلام دینی  میز

سونه باطیل چیراغی حق بویا تبریزدی بورا!

مستجاب اولدو دوعامیز یول  آچین شهریارا

متحیّــــردی بو حیدر بابا تبریزدی بورا