قالما سئوگیم! اوزون آرزیم سن ایدین

یوخومو آلدی  گوزومده ن باخیشین

منه تای سنده یانیبسان بیلیره م!

جانیمی اوزدو ساواش سیز باریشین

سئوگی دن باشقا  گولو اییله مرم

شیمشه یینده نده گوزل دیر  یاغیشین!

عشقی چیخسان یاشاییشدان نه قالار؟

بره وئرمز اویانشیدان ساغیشین

بیلمیره م من نییه مجنون یاراماز

لئیلی سیز چولده ساتیش دیر آلیشین

سئل ـ سولاردان باج آلارقان ـ یاشیمیز

ایستی صوحبتده اوپوش دور ناخیشین

اوره ییم سویله دی قندیم دیلینه!

شکرینده نده شیرین دیر  قامیشین

قورویار چوپ کیمی سئودا سیز اورک

نه یه لازیمدی دیه رسیز تانیشین؟

سوروسوماز کرمین آسلی جانی

بیر ایچیمدیرسه موحبت آتیشین

یوخ جانیم! تاپان بیله ر گیزلی دادین

یوخسا سونسوز دو گیله م آختاریشین!

« گیله م ی » موفته سینه خرج له مه رم

دودادغیمدان اوداآلیب دیردادیشین

اوره یی یانمیشا کولدن دئمه ره م

سانجی میزداندا آغیردیر قاچیشین

یئریشی سووقت اولان یار تانیماز

گوورشلالم دی دیزیمده یاتیشین

گلیشی ساچ، گئدیشی تئلده ن اومار

داراغیمدیر دوشون  اوسته قاریشین!

متحیر اوره یی پارلایاراق

یازدی گونده ن آیا اولدوز ساچیشین