کئچمیش اولسون دئیه پیس گونلری میز قاییتماسین

 گوز  یاشین سئل  سوکیمی  خونچا میزا آخیتماسین

سوووشان سوووشدوکیمدیر گله نیم؟ شهریاریم!

چای سوزرکن منه حیدر بابانی تانیتماسین

قول قانا دسیز قوشوما قیزیل قانا د دورنادئییب

اوجالار کن یئره گویدن  یووامی داغیتماسین

یووامی نین بیله نی قوناق چاغیردی قاف داغیم

عیبی یوخدور فله ییم ثریاسین یاریتماسین

یاشا وآللاهی سی هوشلانماغی چوخ گوردو منه

آییلان واختاکیریخ دووشانیمی یاتیتماسین

اوره ییمدن خبریم وار گوزون آیدین دئیه جک

 یئنه باغیریندا گزرکن چیچه یین اونوتماسین

سئودا مین دردین آلیم خسته دوشوب باغچامیزا

یئری واردیر دیله ییم ایسته یینی  قوروتماسین

سازینی  دیندیره بیلسم  مله مزخان چوبانیم

ساراسیز نئی چالیبان دیشلرینی قیجیرتماسین

کونولون یانمیشی مین یازدا گله قیشدی یئنه

ماراغین سولموشونو آراز کیمین داشیرتماسین 

یاستیغین خوش بزه‌یی تبریزه تای قوناق سئور!

یاتابیلسم بوگئجه ناز یوخومو قاچیرتماسین!

لئیلاسیزچولده بو مجنون کیمه خوش گلدین ائدر

 دردین آللامدا بوسون سوز یارانی سوووتماسین

یایی گیزلینده سئون کیمسه قیشی آچیقلاماز!

سئوگی یای قیش تانیماز بیرچه ییمی آغارتماسین

کوفروچیخماز دئیه فرهاد  تانیر عشقی شیرینی

متحیّردی بوایمانیما کین داغیتماسین