یالخی قاش گوزده نه وار می کیپرییینده دوز گونو؟!

او  یای ین جیزلاماسیندا یئلپیینده دوز گونو

مجنون اولدو قدادوشوب چوللره لیئلا سسی میز

بورولارکن آراز ایچره گدییینده دوز گونو!

دیلابین دردین آلین رفدن اوزاق دوشوب یازیق

قویونون قویروغو، جیزلیق ارییینده دوزگونو

نئچه ایللردی کی نف- چلله ییمیز دینجه چیخیب 

دووشانین خوش یاتانی له کهلییینده دوز گونو

جه هره میز تامارزیدیر جوتچویه جوتده جه هر چی!

یاغلی اتدن نه چیخمار شئر ـ شئپیینده دوزگونو

سویوق ایللرده اولومجول یاشاییش قیروودوغوب

یئنه گل ـ هایدی ائویم تک ائشییینده دوز گونو

گوزو دار قارینجی لا اوچدو منیم وار ـ یوخومو!

 اوره یی زیغلی یامان جیل جیجییینده دوز گونو

یاراماز خنجرینی  چکدی  کئشیک سیز یاراما

آهیمی گورمه دی نامرد، کئشییینده  دوزگونو

ایگیدین آل قانی  قئیرت  زمی  سین برک سوواریب

بویوک انسانلارا قوربان  کیچییینده دوزگونو

گوزو توخدور اوره‌ییم آچماز الین هر گلنه.!

 الی یونگول سومویوم تک ایلییینده دوزگونو

تویا گلدیکجه قوناقلار متحیّرسازی میز

چنگ اولارکن نئییمیز تک  چپییینده دوز گونو