قوجا دونیا دوروخوب ماغیل دئییب سئوگی  مزه

 گورنه ده ! سوزدو بالام دوداق بوزوب ایلگی میزه

الی آغزیندا قالیب  دون دئیه سنه دوندو گینه

انگی  بوش دول کیمی آی دیش  قیجیدیب بیلگی میزه

آنلاغین بیر توکواولماز دئدی سکه بور سوموز

 شهریار سیــــز نه دئییم من بویالان ده رگی میزه

یالانین مین مئشه سی بیر چوپه دیمز گوزه لیم

ائله بیل دوزمه دوزوب میجیغینی سپگی میزه

ایلغارین پوزساکرم یاددا قالارمی آسلی میز؟

یوخ جانم لیلی سی مجنون یارانیب سئچگی میزه

سئچدیلر  فرهادیمی  وئر دیله شیرین کولویون!

 بئلله دیم باخچاسینی آنداولا گول وئرگی میزه

گئجه  - گوندوز مله ییب دیرمارالیم داغ قازالی

اوخشاییب بایرام ائدن قارچیچه ییم شینگی میزه

سوداشیر دردلی سارام سوما خپالاندا توی گونو

 اوخو بولبول له یانیب خان چوبانیم لزگی میزه

بیزیم ایچگی نه اوزومدندی نه ده آرپاتانیر!

ساغلیغی دویغودو  سایغیم گووه نیب ایچگی میزه

ایچه بیلسیز داراشین، اودولوچاغیمدی دوستلاریم!

یوخسا گیزلینده سوچ آخمیشدی  اورک سیلگی میزه

اوره یی وئر  یارادان آللاهینا اوزگه نی دان

اوزوم اوزگه یدیم اوزومله نه دئییم چیزگی میزه

چئویریب من سوزونو سن سوزونه گیزلی یاریم

 بوتون ائللر متحیّردی ساقین سئوگی  میزه