دیلیمین بیر دیلیمی مین دیله باشدی سیر داشیم

سوزوسوزدن سئچه بیلسن سوزوبالدی سوز داشیم

تبریزین بیر بوجاغی مین سارایی آلیب ساتار!

 یولاچیخسان گوره‌سن یوللوغو خوشدو یولداشیم

ایگیت اوغلان   قیزیمیز قزیل دئمز قیزیل سوزه

ایشی واختیندا گورر ایشده پیشیبدیر  ایش داشیم

ایسته ییندن نه دئییم زامان بویوماراقلی دیر

دیه رین من بیلیرم دیه رلی دیر   دیه ر داشیم

یئنی آی تک  گونوموز سسله دی اولدوز دوغانیم

گول چیچکدن دولودور گزمه لی باغدا باغ داشیم

یئتدی گوی گوزللییه قان اوره  یینده یئروئریب

گویلومو یاخشی آلیب دیر گئجه لر کونول داشیم

عشوه سیندن ایلیم آی  هفته گونوم ده یقه یاریم!

 باخیشیندان منی یاندیردی گونش کولگه داشیم

شهریار دوولتینه   پونزاسی    باتماندی   منه

قورآنین سیررین آچیب دیر منه گیزلی گیزداشیم

ایکی میز ده دوز لویون دوشوندن امدیک اینانین

دوزه دوز ، ایرییه ایری آد قویوبد و    سودداشیم

سه تاریندان نه دئییم ال بیراولوب   سانجیمیلا

اوره‌یین دردین آلیب سازکیمی نئی ده سس داشیم

دئدی قورخون توکولوب آریق قویون قوچلادوشوب

ایکی میزده باشلادیق گولمه یی بیرده  آد داشیم

یازی میز بیردی بوقوللوقدا سئویب له  بیزلری  

متحیردی بودوستلارهامیسی بویاق داشیم