ایندی دن بللیدی نازلیم سورانین یاخشی پیسی

آغا  تایدیر  بیزیم ائلده قارانین یاخشی پیسی

دامارین تاپیلمازی ناز درینین قانلی سیدیر!

اوزوموندن تانینیب دیر قانانین یاخشی پیسی

قاچاق  ایللرده دئمزلرنبی دن کوراوغلویا!

قیر آتیندان  سان آلیب دیر قایانین یاخشی پیسی

توتقون اورماندا مارال سهلیدی آسلان یاشاماز

 بولاشیب کوللویوموزدن تولانین یاخشی پیسی

اوشاغین دردی بویوکدن چوخ اولورسا وای بیزه

 کس سسیندن یورولوبدو قاقانین یاخشی پیسی

تولوغون دردین آلیم قاندی داوارجیقدانه وار

آرخایین دیر قوناغیندان اوبانین یاخشی پیسی

ننه لیکدن  دئمه دای ایسسوتوآز سال یادیما

کیمه ات ـ قاندی بئشیک سیز کالانین یاخشی پیسی؟

آج قولون نیسگیلی یاددان چیخاریب توخ خانیمی

آغاجیندان سوز آچیب دیرهاچانین یاخشی پیسی

قیرغی نین دیمدیینی سئرچه جانیملا ایمیشم!

 هر نه سه اوددا دیل آچمیش ماشانین یاخشی پیسی

قئیرتین قوربانی سسلر      بوایگیت دوغان ننه‌م

 یازیلیب تاریخه ایمز قالانین یاخشی پیسی

تئشه نین زیققی سی آغلار قویاق جاق بئل کولویو

بنّا سیز فهله کیمین دیرمالانین یاخشی پیسی

دیل سیزین قاش گوزونو دیللی مارال وورگئت ائدیب

 بیر یئره ییغیشما ییب دیر سونانین یاخشی پیسی

اوره‌یین بولانماسین ،چیرکلی چیبانداوارگولوم!

 نه‌نه‌ن اولماز متحیّر خالانین یاخشی پیسی