آلا  گوز  یار باخیشیندان یاشاییش یازدی  منه

گئجه ـ گوندوز امه‌رم بال دوداغین آزدی منه

اوره‌ییمدن کئچه نی گویده وورار شهریاریم!

آلیشیندان نه دئییم ساتدیغی  هئی  نازدی منه

سونایئتمز دیه رین من بیلیرم عشق     اودونون

آریغین سئومیشم   آنجاق  کوکو آرغازدی منه

سته تاری  له یو خوما گلسه بو گون  گونش  دوغار

آی  باتارکن  بو گئجه  غم توته یی سازدی منه

ایچی بوش دونیا می آخرت  له دولدوروب باخین

عشقینین    دوولتینه    تبریزی   قافقازدی  منه!

گنجه قیزلارینی گوردوکجه گلیر پئشوازیما!

قاچ دئیه ردی بو کامان قاشلاری دریازدی منه

قاچاق ایللرده نبی تک منی گیزله دیب گونوم

آییمیز چیخما دا دان اولدوزو تک بازدی منه

ائله سس سیز گلیبان یاواش گئدرکی جان یاخار

ائل  بیلیر، دونیا بیلیر، گول سه ده سولمازدی  منه

یالوار یشداندا بتر بیر شئی اولارمی دونیادا؟

داشینیب گئتمز اورکدن دئمه دانقازدی منه

آغالانماز منه شیشمک بیزه  دوشمز داداشیم

دورنا لاردان باج آلان کهلیییمیز قازدی منه

گوله بیلسن بوسوزمدن آراسین کسمه گولوم

 باشی توم کیمسه یادی اویمه ده دام ـ دازدی منه

سوزونو خوشلاماسایدی متحیّـــر دیلی میز!

باخابیلمز دی  ثریا کیمی  قور نازدی منه!