بسدی قان ـ قان دئمه کونلوم گله جک شهریاریم

قولو بوینو مدا دوداقدان اوپه جک شهریاریم

اوپوشون  قیمتی وار قیزیل گوموش سوزدو بالام

دئه ماشالله بیر دئییب مین  گوله جک شهریاریم

یئنه میرتی باشلاییب گولدوره جک قوناقلاری

منه شیرین کیمی  فرهاد دئیه جک شهریاریم

چیلتییین گورنمه سیز باغ چپییینده قیرتیغا!

دابان اوسته اویناییب چای  سوزه‌جک شهریاریم

قددانیم دوم ـ دولودور  قاریشقا باسمازاینانین

دول ـ بوشال دیر بوائویم گوزدیه جک شهریاریم!؟

یوخ  جانیم من صلوات  ایله اوزرلیک  سالارام

اندیریب شئیطان آتیندان گوده جک شهریاریم

هارا گئتسم گله جک  دیر بو ثریا گولوموز!

لاله بیتمز چوله  مخمر  سه ره جک  شهریاریم!

آغ ایپکدندی  بویانمیش اوره‌ییم دونون توخور

کؤله هئی  دویون ووروب گول  دوزه جک شهریاریم

گوزمون یاشلاری  قویمور آهیمی  یاخشی  چکه‌م

دردین آللام دئیه موم تک سیله جک شهریاریم

نییه برک برک باخیسان یاواش یئریش دورنامیزا

قول ـ قانادسیز سوناسی لا اوزه جک شهریاریم

اوچماغین  بیر جوروده چیممه دی‌جوم بیرآزتکه

قورخما آیدین دی بویانلار چکه جک شهریاریم

اوزونو  بوشلا بو نفسین سنی  قویمور اوزه‌سن!

بورا حکمت  دنیزی میش سئوه‌جک شهریاریم

سنی سئومک منی‌مندن ، سنی سندن قورتاریب

ایندی بیر دیر سوزموز کیم گوره جک شهریاریم؟

لن ترانی متحیّـــردی بو بیرله شمه میزه...!

آزدئه  گلمز بیزه هئچ چوخ  گله جک شهریاریم