دئمه مجنون دلی دیر سئوگیسی لئیلا دلی دیر!

 قلم عاجیزدی بوشعریمده الیفبا دلی دیر

صف چکیب جمله ملائک بزه ییب عرشی بوگون

سلسبیل عشقینه زمزم کیمی طوبا دلی دیر

انبیاء قلبی  ایشیقلاندی مسیحایه دئیین

 شب میلاد محمده کلیسا دلی دیر...!

دئیرو بتخانه اورکدن سئوینیر معبده    باخ

کعبه توی توتمادا نوشیر یله کسرا دلی دیر

اییلیب سجده یه زرتشت ایله اوچ سوز بیراولوب

 بوراخیب نیرواناسین بودا ، اوستا     د لی دیر

قورآنین وصفینه تورات ایله انجیل گله لی! 

«کنت» حقینده بو«من» سهلیدی مولادلی دیر

کوثر عاشیق لری نئیلیر فراتی رأس حسین

عرشیدن فرشه بزه ک زینب کبرا دلی دیر

حسن حسنونده زولیخا کیمی یوسیفده خجیل!

 بولود آلتیندا قالان خوش گونه دونیا دلی دیر

سانا گلمزدی بونرگیس گولومون غنچه لری

 عدله اون دور دوده تخصیص تاپیب الّا دلی دیر

شهریار عشقینه یاسین متحیّر گوز و دور

 اهل بیت ایله بو سلمانیما منّا دلی دیر...!