گوزوندن بیرجه پای وئرسن گولوم اسمزدوداغیم

دیلیم اوینار نازیم سسلر سارالماز آل یاناغیم

کونولدن یانمیشام بیر قول قانادسیز دورنا نئیلر؟

یاتیب باختیم بوتئز لیکده آچیلماز قاش  قاباغیم

اوخوندان قورخمارام یایدان مئشه مدیرگز باشارسان

آراز تک سیز لاییر اوکیان گوزوم آغلار  بولاغیم

قیشیندان یای چیخان گوز تک یورولماز یازدی کونلوم

ایتیب باتماز  قارانلیقلاردا آغدیربور ـ بوجاغیم

گیلئی لنمز اورکدن  بیرده یانقیم سوز  قانان دیر!

 بوراخماز  دوزیولون باطیل دی یئرسیز سول لاساغیم

کوزومدن  باش چیخارتماز اودلو داغلاریورموشام من

دئمز مجنون سوزون لیلایه دیل سیزسس ـ سوراغیم

دیلیم لال دیر قولاغیم کار گوزوم کور بس نیه من؟

کاباب ایستر فتیر اوستونده بی دیرخان قوناغیم

دئدیم مندن منی چیخ گورقالان کیمدیر؟ دئدی سن

 بیر اولدوزسان کی آی تک گون دوغوبدور تئل داراغیم

دئیین تبریزه بایرام توت یاس ایللر کئچدی گئتدی

دادیندان دویماق  اولماز چوخ  شیریندیر قایقاناغیم

دییشمه م مین بهشتی له بوفرهادین کولونگون!

 ثریا بویدا دردیم بیتدی یاریمدیر دایاغیم!

کوکوم،آرخام، سوءیوم سوزصحبتیم دیر شهریاریم

 اودون سوز بیر عومور دور یانمیشام سونمز اوجاغیم

آل ـ الوان خونچا لارتک گویلری گزدیم باشیندا

اریکدن  سوز سالارکن یئرده دولموشدور تاباغیم

بویوردو چوخ زامان چکمز گئیرسن خرقه وی دوز

دوزوبسن دوز بودوزمکدیر بالام ییرتیق یاماغیم