آلنین آغی چوخ خوشدو گولوم دیلدن آغام من

 سایسیز یارامیز گولمه ده نیسگیلدن آغام من

ایستک بوقان آرزیم کیمی،‌آخمیشدی اورکدن

دیل سیز قوشوموز قاپ قاراچیل چیلدن آغام من

عشقین یاراسین باغلاماق اولسایدی  بیتردی  

دورماز قانی آخدیقجا بو سپگیلدن آغام من

اوزدن گوزلین دونیادا  زیپیلتیسی چوخدور 

ریحان بیچره‌ک تویدا حنا، گیلدن آغام من

قارغیش نیه لازیمدی بو اوفگه‌م منه بسدیر 

دیرناق سیزا سوز وئرمه ده بیر تیلدن آغام من

شیمشک ساری شین دیر یاشاسین سوزلوبولودلار 

یاغدیقجا بونارین یاغیشیم ایلدن آغام من!

هفته ایله کوسن دیقه سینی عومور سایانماز 

دیوان بویوآنلاق توخودوم میلدن آغام من

دادسیز باخیشین شاه ببه یین دوز سوز اویوبدور  

بیر چالخامی قیپ ـ قیر میزی یاشیلدن آغام من

 دونیا بزه ییندن بزه نن گول دوداق اولماز! 

 ساققیز کیمی چئینمه ده بئرتیلدن آغام من

 قئیرت تانیماز بئرتیل هامان رشوه دی دوستوم 

نیندن یورولان بولبوله تای زیلدن آغام من

عشق اهلی ییخیلماز اوره‌ییی ییغجام اولاربیل

مین  _ بیر آدینین قوربانی در گیلدن آغام من

یئر- گوی قاریشیب هیم بیر اولوب گول دوعامیزلا

باطیل متحیر دی بو حق دیلدن آغام من