زیققی وردست گولر اشیلک شاطیرین ساققالینا

سوواشیب دیر قوجا شئیطان چاخیرین ساققالینا

قاطیرین سئوگیسی کیم دیر؟ پالانی  ایری لریم!

توپوروبدور  چوبوق آلتیم  بافیرین ساققالینا

سوز آوای قوللار بکتاش دئمه ییب دیر پاشامیز

 اوزون  ایسترله باغیردیم  پاخیرین ساققالینا

اوره یین پاسلی سینی شیرله سه هر کیم  اودوزوب

 شیرلی دام -داشدا وورولموش آخیرین ساققالینا

ناخیرین آخیر  بیله ن لر  ایکی سینده نده یئیر!

گیروئریب ایری سوروم دوزناخیرین ساققالینا

ایکی  قات  بئل ـ کولویوم دایاق دوروب تبریزیمه

آغزی بوش گزمه اویوبدور چاییرین ساققالینا

گوزدن عاشیق کیمی لر آداخلی سیندان یاریماز

 سوزو«من من» قارشیب چول ـ باییرین  ساققالینا

ایسته یی دوزلوک اولان کیمسه مارال دیر مئشه مه!

آسلانیم دیرناق  آتیب زیر با زیرین ساققالینا

قویون آد قویسا اینک توخلویا گولمز  کئچی میز

 قانی قیزماز سویوغوم تک مامیرین  ساققالینا

آغزی یئم سیز دوه نی تور بالامازلار  لی وه ره م!

 ایشه ایمز داراشیب دیر  بولیرین ساققالینا

ال ـ آیاق سیز گول اولومجول چیچه یین باش تاجیدیر

...ائششکده ایشرمی آیغیرین ساققالینا؟

 قیرآتین قیمتین  ائیوزله کوراوغلوم بیلیری!

نبی سیز ایلده قاچاق مال تابیرین  ساققالینا

کومورون یاخشی پیسی له‌خکه یای ـ قیشداگزر

میرلی یونگول له ماراق سیز آغیرین ساققالینا

دئمه رم من ،نه منه یاخشی سینی سن بیلیسن!

 قوروسی له یاشی بیر دیر هادیرین  ساققالینا

یوکونوخوش  داشییاندیر متحیّر  موشامیز

ایت پیشک دن یورولان میررامیرین ساققالینا