تُن تُن ادبین قیمتی بیر پونز اساغ اولدو

هرکیمسه ده واردیر اوزوآغداندا آغ اولدو!

دونیانی ادب سیز قازانانلار اودوزوبدور

آنجاق بو یومورتام پیشه جک سانجی یاغ اولدو

آنلاق سیزاآنلاق سوزو هر  زاددان آغیردی

بوستان سوزونو یاخشی قانان یاخشی تاغ اولدو

دئم قارپیزی دادسیز قوهونون اوستونه کسدی!

سوز قانمازا  توی  سهلیدی  یاس چنلی  چاغ اولدو

جان سیز سوزه جان قویما ائشیتدین کئچ عزیزیم

داغ داغی سئورکن داغیمیز داغلی  داغ اولددو

شیمشک لره سن باخما یاغیشسیز بولوت اولماز

یاغدیقجا  سوسوز   چوللره   یانقین   بولا غ اولدو

چول لردن اومان مجنونا  لئیلاسی یاغیش دیر

 فرهادی شیرین گوزده گوره ن باغچا ـ باغ اولدو

اولدوزلاری آی گوزله گوره ن گونش دی کونلوم

دوستا قدا  قارانلیق  چکه نیم  چیل  ـ چیراغ اولدو

سای سیز یارادان  کیم سان آلیب؟ کونلوسینیق لار

 سیندیقجا    اورکدن  دئیه عشقیم قالاغ    اولدو

هر کمسیه دادار دور ماسا قویمازلا  یوگور سون

آنجاق یئریمه ک وارسا یوگورمز اولاغ اولدو

قورد گورسه بو تیمچه مده قویونلار بوغولوبلار!

یولماز باشین حئیوان بالا تل سیز داراغ اولدو

هر بیر هورویون قیمتی واردیر بو بازاردا

آددیم باشی گوودوشد و سیییرمز قاباغ اولدو

بوز باش متحیّردی ساریمساق لی آشیمدان

قلیانی خورولدا تمادا  سول یاتدی ساغ اولدو

قول ـ قیچ کیمی قالین بئینیم یاتسا آییلماز

دورسان گوره سن بیردی دره م بویدا داغ اولدو