چوخ یاخین لاشما اوزاق گز اوره‌ییم اوددو منیم

 الینی وورما قیزارمیش چوره‌ییم اوددو منیم

چولومه باخما اومودسوز یاغیشیم سئل گتیرر!

گزه بیلسن بو باغی گز چیچه ییم اوددو منیم

یارا قوربان کسیریک دیلده یادی گوزله ییریک

 ایشی میز یاشدی دئیه رسن ببه ییم اوددو منیم

گوزو دار دونیانی سئومک پئشه میز دیر ایشه باخ

 آرزیلار بویدا کدر سیز دیله ییم اوددومنیم

گوز یاشیم کول له قاریشماقدا  مرکب  دوزه لیب

قلمیم سهلیدی داشماز بیله ییم اوددومنیم

یاشاییش بویدا سوزوم وار یاشاییشدان دویانا

قیشی میزدان نه دئییم قار ـ کوله ییم اوددومنیم

شیشلی ینیدن کئچه ن اوغلان ـ قیزی میز یورولماسین

شهریار سیز بوقوناقلیق   شیشه ییم اوددومنیم

سوزومو قوربته سالماز اینانیب  دیر تیکانین!

بو ثریا  گولوموزدن  اته ییم  اوددومنیم

تبریزین سئوگیسی قئیرتدی بو قیوراق قالانین

قاش ـ گووزوندن دئمک اولماز  بزه ییم اوددومنیم

داشا بئل باغلاسا پا مبیق اوره یین برک اوغاجاق

بئلی یورماز یوکوموزدن کوره ییم اوددومنیم

قیشی یای گوزده گوره ن کیمسه گوزویاز گوره جک

میخین ایمز چکیشیم تک دیره ییم اوددومنیم

قوی دئییم من کیمی سانجیب متحیّر آری میز

دادابیلمز بو بالیمدان پته ییم  اوددومنیم