هر کیمسه تاپیلمیش دئدی دونیا سین ایتیردی

قیپ قیرمیزی آلمام جانی هیئواسین ایتیردی

ایمز  اودونوم قیشدا اودون پینجینی خوشلار

یاریم دئیه گون کولگه  ده باخچاسین ایتیردی

قارسیز قیشی میز یازدا چیچک دن باج آلیبدیر

دونیانی  سئورکن  شالی  خونچاسین ایتیردی

آغلار گوزو  سیلمک کیمی گولدورمه چتین دیر!

پوف دن باشی  چیخماز  شایید اوستاسین ایتیردی

آزسویله بوقنداب قاشیغیم   قوپ قورو چوبدور

پیی بوشقاسی ساققیزکیمی  سیسقاسین ایتیردی

دیلدن گوزه ل اوغلان ـ قیزا هئچ  زاد چاتابیلمز

دیلدن آجی زرتشت لا اوستاسین ایتیردی

مکتبده پتک سیز بالی دادسان آری قالماز!

مجنون کیمی  عاشیق دلی  لئیلاسین ایتیردی

چن کونلومو آغلاتدی بوگون دومان سیزیلتیم!

یانمیش اوره ییم اود دئیه قیرناسین ایتیردی

سن سیز سسیمه سس وئره نیم سس سیز اوره کدیر

سونجوق لایان  ائششک نییه تورباسین ایتیردی؟

 یورغان دوشه ییم یوک یئرینی  گوزدن آتیبدیر

اویدوقجا بوحئیوان بالا کوکلاسین ایتیردی

قولچاق  کیمی  دونیانی  باسیب باغریما یاتدیم

یاتدیقجا  بو تمبل باشی فیشقاسین ایتیردی

قوش باز  قوشو اوچماق پایینی  قارنینا وئردی!

آزادیاشایان قوش  قفس، آرپاسین ایتیردی

دورد ـ بش دانا بوغدایلا باشین قفسده قاتماز

کئچمز یاشایشیدان نه سه با نکاسین ایتیردی

بایرام بالیغیندان متحیّردی بودورنام!

قاچدیقجا آراز اوستونو دالغاسین ایتیردی