عشوه سیندن ایلیم آی  هفته گونو ده یقه یاریم

باخیشیندان جان آلیب قانلی  ایپیم خسته داریم

دئدی قوی گئت دیه رین بیلمه دین آخ ـ وای لاریمین

دئدیم اولسون بوراخیلمازدی  سوزوم گیزلی شاریم

گوله‌ین دیر بالامیز  قاشقاباغین ایسته مرم!

قئیر تیندن نه دئییم  سئوگی مه  قان دیر داماریم

تبریزین دردین آلیم ایگید دوغاندیر اوبامیز

قوچ نبی دن دئیه رک کوراوغلو سسلیر قاباریم

چولده لئیلاسین ایتیرمزدی  بومجنون ماهالیم

شهریارین سه تاریندان سوز آچیبدیر چاپاریم

تاریخین کوهنه  بازاریندا بو تیمچه م تازادیر

بور جویو خدور  بیرینه داوود و اویدوردو واریم!

قیتلیق ایللرده گونومدن اوماراق  اون بیر آییم

چاتاجاق کنعانا اوچ ـ دورد گونه مین لر داواریم

آندینی  سالدی  یئره.قویمادی  دینسین باخیشی

یاندیریب یاخدی  زولیخا  میزی  یوسیف ووقاریم

ایرمی  ایلدن بری دوستاقدا آغارتدیم باشیمی

ایلغاریمدان بزه نیب گنج اوره‌ییم له  اینجاریم!

ساتان اولسایدی  ساتاردی  اته یین بوراخمارام

منه بنده‌م دئیه تانیرم بیلینیب دیر چیخاریم!

یئری واردیر اییله م سجده یه توپراق بویومن

آغاجمیدان نه دئییم یاخشی یونولدویونقاریم

اودوزوبدور  متحیّـر بوگئجه وار-  یوخونو!

آما بوندان بئله قویماز  ییخیلام شهـریاریم!