ایستک له اومودسوز باغینی بئلله تله سمه!

بیر گون  چاتاجاق سئوگی سینه گوزله تله سمه

قاش گوزدن اومان کیمسه اورکدن گوله بیلمز

یئر برکدی جوتوندن گوروب آز پیسله تله سمه

قات قات اوکوزم ات توکه جک کوفته سوزوندن

حئیواندی تله سدیرمه یاواش بیزله تله سمه

ایش  چوخ چوخ  اوزوندور  په یه میزده کوللوک اسنیز

...دان دوواراولماز  تزه‌یین خشله تله سمه

میلچک  صیفت  اوغلان قیزی طووله مده بیه نمز

توتماز بوقارشیقایلا یوکون تلله تله سمه!

دووشان یوخوسوندان آییلان کهلییه  قوربان

قاردان باشی چیخماز  قاز  اتین پوشله تله سمه

گور مزله باشین قویلا گوتون قوی  چوله یوخلا

 لاپ یاخشی لارین سئچ  اوزونه اوزله تله سمه

دونیانی  بئش اللی توتوب اون بئشینده بورج ائت

هاردان اولور اولسون چیچه یین بسله تله سمه!

بیر گونده بارشاسان لاپ آزی مین دون عوض له

باطیل له خوش اول حق  دئیه نی وئلله تله سمه

قئیرت تانیماز دیردو غوزون  قوردلارا باخما

تولکویله توتوشدور موش  ایتین ال له  تله سمه

بسدیر متحیّــر سوزه کئش وئرمه اوتاندیم

چیخماز شئحی برکیت بله یین سئلله تله سمه

شوردان آجیماز  بامییه ـ زولبیّه نی ساتماز

تورش آلچایا دوشدوکجه گوزون زیلله تله سمه

هر کیمسه کامان گوزدو چتین اوخ قاشی خوشلار

دوزسوزدن ایراق  ایری دیلین دیشله تله سمه

قاتساندا قاریشماز قازانیم قایناها قاینا!

بیردن ایکی اومموشدو اوچوم بیرله تله سمه

بیر عومرودو یانمیش قوشموز زیل له قفسده

بیر لیکده کاباب اولدولا آز یئلله تله سمه