نه  عمیم وارنه زمیم بس بویالان داعواندیر؟

خالا خاطیرین یوروب عمه بوغان داعواندیر

اوشاغی اوشاقدایورسن، بویوکو بویوکده‌قات

قلبیرین دردین آلیم الک  یوران داعواندیر

کوفته نی آشیر دویاندان سورا باشلاچیلتییی!

اژقیریب گه‌ییرمه میش یاردان اولان داعواندیر

پوسته نی قات نوخودا آجیلی  هئی  چیرتدا داداش

اوز اوزون پیسله یه نی سس سیزاودان داعواندیر

اوغلونا گولوم دئییب  جیئران آدین قوی قیزینا!

دیلی بال چیرکینه گوزدن سوز آچان داعواندیر

کوکانی چک باشینا پاتلادیق اولسون شوکورو

پئپیسی نن سئوین آپ بوشلو سالان داعواندیر

گولمه یی بوشلاما کئچمیشده یویون آرین بیر آز

گله جک ترله مه سیندن سان آلان داعواندیر

لومونات  قاپاقلارین کردی  زیغیلا دولدوراق

کوچه  ده سیمیت دیره‌کدن  لول آتان داعواندیر

منته‌شی دیغیرلادان زامانلاری سال یادینا

آیدا بیر گون چالاسرده     یویونان   داعواندیر

باشینین ایی یین وئریب یورما بوتشت سیزحامامی

دابانی  چکیک لری بوشلادی  خان داعواندیر

خان اولان کیمسه دابان سیز  جورابین یامارگیئه‌ر

دیرناغی قاشیق کیمین چیرکلی  چیبان داعواندیر

دیل آغیزدان نه دئییم یولون دوشوبدور گجیله!

اوسته کی له توولاییب آلتی  سوخان داعواندیر

داعوانین لاپ یئکه سین قوناق گئدنده‌کیم سالار؟

بسدینی قوی  دیبیـنه کاش کیمی  قان ، داعواندیر

پالتاری، کوهنه لن اوغلان ـ قیزالازیمدی  تازا

آستارینن اوزو بیر یورقانا،یان داعواندیر

یادادوشدوکجه اریک ،آلچایا تور شاتما اوزون

سانما یوخدور  متحّـــیر لره مان داعواندیر