سن گلینجه  گوزه‌لیم  قیرغی میز آشدی  شیروانی

گوزیاشیم سئل ـ سوکیمین زورلادی ییخدی وریانی

قوی آپارسین آرازیم دورولماسین گدیک لری

یئدییم یاوان چورک یاخدی پنیرچی لیقوانی!

بیر قاشیق قیسمت اولونجا دوشابیم اوسکو دانیب

مین تومن لیک اوخونان گویده وورار بیر قیرانی

گتیر اولسون قیلیجین  داش اوره ییمله سورت ایتیلت

کولو ساورولمایان آخ ـ وای  لاری ییرتدی قالخانی

بیرلییین دردین آلیب آیریلغیین کوزمه‌لری

قاچیریب اووجو گوزوندن ایتریب تور قورانی!

جئیرانین گوزلری آسلاندا آریرناز بالاسین!

برک اوزون آغارتماییب   توران قوشوملا طرلانی!

چئویره ر سوزدو ووراربیر ـ بیرینه چول ـ باییری

مله دیبدیر کوز ـ اودوندان بوشلاله‌م لیمانی!

داغی داشدان آییرانماز توزاناق کوچرگئدر

کرمیم آندایچیبان هارادئییب آسلی  جانی!

دینه بیلمزدی  بومجنون دئمه یین لئیلاسینا

الین اوپمز توراغای آج قارینا توخ وورانی

اوره‌یی دویونجا آغلاتدی بو اورمان مارالی!

الی الدن اوزولرکن جالانیب ایستیکانی!

آلاچیق دان یورولان کیمسه‌نی گون تله سدیرر

اننیکیندن بوشانیب توی گونو یاسلی کیرشانی

عشقی میز بایاتلاماز باخما بایات کوفته میزه

ال چالیرخان سارانین قئیر تینه خان چوبانی!

سارانین سئوینجی نه دویونمه‌ییب خان چوبانیم!

اوخشاییر توتک کیمین دردلی گونونده میزقانی

اوزاوزون بیه نسه هرکیم اوجالارمی دونیادا؟

قولدورون زوردئمه ییندن دئشیلیرمیش چیبانی

پونزاسیندان یورولوب  باتمانی،  بیر‌سییه‌م جانی!

یاشاسین تبریزه تای  قیز لارین اوغلان دوغانی!

متحیّـــرده اوزوندن دئسه گوزندن دوشه جک

ازدیریب شهــــریاریم پروینه بایرام توتانی