قوجا دونیا بزه ییندن  بزه نن بزه‌رسوزو!

کول  دیبینده دوش تیکان سا  مجنونوم امه رسوزو

چوله چول، چول  دئمه ییبدیر چولوموز چول چوله دیر

لئیلی یه لئیلی دئییب دی لئیلی میز بیله رسوز و

فرهادین فرهاد آدی فرهادی فرهاد ائله دی؟

یوخ جانیم شیرین جانیندان  کئچه نیم سئچه ر سوزو

اوره‌یی کسیکن اولان کسه‌ر، کسه رسیز قایانی

بیسیتون تک  دبه ریلمز  داغیمی  دله ر سوزو

داغی  داغدان سئچه بیلسن بوداغاداغ دئمه سن

سانکی  ایستکلی  سئورکن  سئوه‌نی  سئور  سوزو!

سئوگیی سیز سئوگی سینه سئوگیمی  سئوگی بیلمیشم!

بونه «من من» دی  منم سیز منه میم مینه رسوزو

سوزه مینمک آتا مینمک کیمی اولماز  گوزه‌لیم

گوزلی  گوزل گوره‌ن گوزلری  میز  سوزه ر سوزو

سوزو سوزمک  سوزونن دیر سوزموز سوز سوزومه

نایمیداولماز اوره‌ییم تک اومودوم بوکر سوزو!

اومودون غنچه‌لری  اومود  باغیندا گول  وئرر!

گوله گول، گول دئیه بیلسه  گولوموز ده‌ررسوزو

دریلن گول کیمی  نیسگیل  لی‌گزه‌ر آداخلی  سی!

ایسته‌یین دئیه نمه ین ایسته یی میز اوزه‌رسوزو

باریشین بیر باغی، مین دویوش باغین آلیب ساتار

تاجی سینماز شاهینین چکمه لری ازه‌ر سوزو

اوزولن گول ازیلرکن آیاق آلتین بزه‌مز!

بوزا ـ بوز دونیاسی یایدان دئیه اود تپه رسوزو

قایتاریلماز یئر نیه سود کیمی سوز ساغیلماییب

آما بوندان بئله مخمر اوستونه سه‌رر سوزو

قیلیجین قوی یئره دوستوم بوراپامبیق تویودور!

اوینایانماز  متحیّـــر گه‌لینیم ایه‌ه‌ر سوزو...