آی مجنون مون سئوگیلی لئیلاسی داریخما!

قئیرت کانی یاردیم سیزین آرخاسی داریخما

یانمیش اوره‌ییمدن نه قالیب دیر؟ بیر اووج کول

عشقین سووا گئتمزدی بو پارچاسی داریخما

طرلاندان اوموبدور هله پیس پیس آت اله نگم

بیلمز نه اوچون سیندی یومورتاسی داریخما

اوچ  باشلی کولوک گوردو بئلیم ناز یوخوسوندا

هئی پیسله دی سپگیل لری میخجاسی داریخما

خالدان دوداق اومسایدی یارانمازدی بوقاش گوز

چوککه یله باریشمازدی سو فیر چاسی داریخما

آز سویله بو کرپیچ  سینیغیندان لومه چیخماز!

آغ دام  داشا ایش وئرمه دی  لامپاسی داریخما

هرکیمسه اورکدن آغاریب خوش  گونه چیخدی

آخشام چاغی میزداندی گون اورتاسی داریخما!

چینقیللی قالامدان کئچه بیلمز بوگولونجو!

ورهوودو بوئیرسیز لاغاقویماسی داریخما

آز سویله گولوم  دونیادا هرزاد پولوناندیر

 شاهلار دیزه چوکدوردو  چوخ ـ آزجاسی داریخما!

کسری اوره‌یین یوردو بواهرام ثلاثه‌م!

بوز  باش  کیمی  خالیص سودو شورباسی داریخما

گولمک  پایی فیرعون داداشین هاردا قالیب دیر؟

قان ـ  قوخدو قیزیلدان دولو قورناسی داریخما

نیلدن کئچه بیلمز بو قوشون کوفره چالیشدی

توی  توتدو قبیستانداکی قازماسی داریخما!

های  ـ کوی له کئچه ن خوش گونه حئیراندی بوسس سیز

یاندیردی اولوم دن بته ر اولماسی داریخما

یئتمیش کره یالواردی جواب وئرمه دی موسا

گوزیومدو بویالوارماغین اوستاسی داریخما

واخ واخ  دئمه دای پوشله دی سوزلر متحیّر

اود قیرناسی دیر نئی کیمی سیغماسی داریخما