قوش اورک  دوستلاریمین داوارجیغین سیچان دلیب

ساتانا یوخدو سوزوم باغیریمیزی آلان دلیب

دونیانین شیشلیگی دوشمز بیزه انده‌رمه لییه م!

پئش دوران سققه لرین کور گوزونو قیغان دلیب

اوز گوجوندن دئیه ن اوغلان قیز اقولدور دئمیشم

گونئی یه گوزئی دئیه ن چن باخیشی دومان دلیب

الینی  اوووشدوران یولدایوکون چاتیب منه!

آییق انسلانلارین عاشیق ببه یین یاتان دلیب

بوقوشون  چکدی  ده من لربه نایین توی  توتالی

 ایش سیز ایل  لرده اوزون برک توتانی یالان  دلیب

آلیشی، وئریش بیله‌ن ایگیدلرین خوش حالینا

بودا دوز سوزدو یئریندن دورانی دوران دلیب

سوزو خوش کیمسه بولانماز آرازیم دوم دورودور

 سوقابیمدان نه دئییم ساخسیسی میس قازان دلیب

سوتولو، گوی ،آلاچی بیرده یاریمچیق  تانیریق!

یولون آزماز گولومون تیکانلارین زامان دلیب

دولو،کوک، یاغلی، سمیز اینجه بئلین قدرینی بیل

آغزی میزدان یورولان یاغلی میزی یاوان دلیب

دئدی دیللی باشلی سان باشین ساغ اولسون دیلیمز!

شهریاریله گزه‌ن یئر ـ گویومو  سونان دلیب

هادئدیم دلمه بوباغریمداکی سن سن باشادوش

بیرچه ییم تک اسه لی سازیمی چنگ اولان دلیب

بایرامیمدیر متحیـــــّرگولومون  ثریاسی...!

منم ایندی! دینه بیلمز دیلیمی آچان دلیب