قاف داغینا عنقا اولا بیلسم  ایشیم ایشدی

 مجنون کیمی لئیلا اولا بیلسم ایشیم ایشدی

عشقین شینی قاف  ایله قاریشما قداعیین دیر

مکتبده الیفبا اولا بیلسم ایشیم ایشدی

کیمدیر بوعزیز شهریارین دردینی آلسین؟

عشقینده ثریا اولا بیلسم ایشیم ایشدی

یوسیف  سوزونو قصریده دیلسیز اوشاق آنلار

ایستکده  زولیخا  اولا بیلسم ایشیم ایشدی

مین بیسر قاپیم اولسا یئنه قالماز  دالیسیندا!

مشمول فتحنا  اولا بیلسم ایشیم ایشدی!

موسایه سوزوم یوخدوبوفیرعونی آخارلا 

نیل اوسته کی سینا اولا بیلسم ایشیم ایشدی

بیر جوت چاریغیم وار بوچوبان یالان باشارماز

دوز لوکده کیلیسا اولا بیلسم ایشم ایشدی

مسجیده بودئیراهلینه زرتشت آدی قویدو

اوچ سوزده اوستا اولا بیلسم ایشم ایشدی

قاندیقجا  اوتاندیم بوایشیم یاشدی  سوزومدن

ویرانه ده کسری اولا بیلسم ایشیم ایشدی

گویچک باخیشین قیمتی گویچک  یاشاییش دیر

عاشیق  لره دونیا اولا بیلسم ایشیم ایشدی

حافظ دئدییین یانمیش اورکدیر ناماز اوسته

قورآنداکی صهبا   اولا بیلسم ایشیم ایشدی

مریم متحیّـــردی  مناجاتیما چولده!

اذنی  له مسیحا  اولا بیلسم ایشیم ایشدی