نازیله بوسه وئریب وئرسه یئنه مشتری یم

کی بئلیندن آسیلان گوزلری قان خنجری یم

کسیسبان دوراماغا بیلووده لازیمدی اورک

حجر الاسود اولان سینه ده آغ مرمری یم

نوش جان اولسون مئی کی جامی ساقیله دولوب

بزم وحدتده اوچان گلشنینین پرپری یم

یاراما دوز سپر ای وای دئیه مرهم دی سنه

آغزی وئرمز آجی داد تای تای اونون شکری یم

صبری یوخدور منی گورجک ال آیاغین داغیدیر

عرضی تک قووالیر منطقی یوخ جوهری یم

 هی دئییر عشقه نه لازیم مدنیت گوتورمز

بدویدن بدوی محضرینه بربری یم

صنمه یوخدو سوزوم اوز دینیمه باغلی قولام

سانما دونیا قیچینین کوندسی یا زنجیری یم

یاراماز اهلی سلوک ایچره بو شعوانه گزه

کیم بیلر من بئله بیر توبه کارین تفسیری یم

خئیرین اولسون نئچه میندن بوشانان کیفلی جییه

سنده توی توت دئه زفافیندا کی من دلبر ی   یم

هله سن اولی سن آرخانا باخسان بیلرسن

        گوزونو یومما بو قارشیمدا دوران سروری یم

هامی سیندان جان آلیب بیر به بیر اولدورمه لی یم

هله محراب عبادتده کیلر منبری یم

نییه مادر دئمه دیم تئز قاچالی آخرتی

بوشادیم من ده اوز عشقینده دولان دفتری یم

      کی حرامدیر بیزه دونیا سوزو همده آخرت

ایکی دونیاده ده قورباندی جانیم وانحری یم

یاعلی دن متحیردی اورک گوزلری میز

نئجه دویسون اوره ییم قنبری نین نوکری یم