پایبند اولموش رخ سیمینده آختاردیم سنی

قلب قرآن ایچره گول یاسینده  آختاردیم سنی

ای حقیقتدن قاچان بیرگون توتار آللاه سنی

منده فرهادیم دئییب شیرینده آختاردیم سنی

نطقدن  دوشسن ده  بیر  قورتوم سووئرمزلر  سنه

فهم ائدرکن اولموشم گیزلینده آختاردیم سنی

دنیا  دا  چوخ  آه  چکیب غمدن  پریشان  اولمایین

یوخسا پیغمبر بویورموش چینده آختاردیم سنی

شمع وش جانیمله یاننام بیرگوزل پروانه یه

مرغ عشق اولماقداجانا نینده آختاردیم سنی

محنتیندن ایسته مم بیرگون خلاص اولسون دئدیم

غافیل اولمام زولفونون مشکینده آختاردیم سنی

چوخ زامان چکمز  ثریا  تک  داغیللام عشقیدن

شهریاریمسان  بیلیرسن  دینده  آختاردیم سنی

رمز حکمت دیر  نبی  طلعتلره  اظهار حال

من غریق ساده دل ویترینده آختاردیم سنی

گوشه وحدتده  اولدوم ایرمی ایلدن سورماسن!

نئیلیرم دونیانی سن سیز تینده آختاردیم سنی

عکس رخسارین گوررکن جان قوشوم پرواز ائلر

بیر سوزومدن  قورخمارام من مینده آختاردیم سنی

لیلی دن خلق ائدیگین جانیم سنین دیر مجنونوم

من مریض عشقینم آخ شنیده آختاردیم سنی

سن سریر سلطنتده ایلشرکن جان قوشوم!

شعله دیوان کیمین پروینده آختاردیم سنی