یارب  ره میخانه ده  ساقی ایله باریشدیم

ایشدیم یئنه بیردن بیره باقی ایله باریشدیم

آخیرده آشیب داشدی شرابیندا یویوندوم

حالیمدا کی مستقبل و ماضی ایله باریشدیم

جرموم نه قدر سنگین اولورسا قویون اولسون

دیواندا تانیش وار منه قاضی ایله باریشدیم

حسرت گونو ساتماز دوداغیندان منه لبخند

آلدیم نیازین گلشن آتی ایله باریشدیم

لفظینده قالیب دیر قلم آنجاق بو نه معنا

بیداد ایله اولدورمز او ساعی ایله باریشدیم

عاشیق دی ازل دن منه باغریندا گزرکن

قاش گوز نه دی عنقا کیمی عالی ایله باریشدیم

فرهاد کیمی ویریندیر بو آغزیم  آجی  چالماز

ناحق یئره توکمز منی راوی ایله باریشدیم

مجنونه دئیین لیلاسی تب توتماسا اولمز

تب توتدو دوداق یانمادا کافی ایله باریشدیم

خنجر منه مرهمدی طبابتده گوزوم یوخ

درمان نییه لازیمدی کی شافی ایله باریشدیم

اینصافی اولان کیمسه شماطت دیلین آچماز

من صورت ماهیندا  کی  ناجی  ایله   باریشدیم

قیزماز   الی  بیگانه یه   اومماز   سلامیندان

ائیلر منه مین ناله چون عامی ایله باریشدیم

افتاده نی  وورماق  منه  عادت  دئییل  اولدور!

انسان ندی شیطان کیمی  طاغی  ایله  باریشدیم

مینمیشدیم آتیندان یئره دوشمکده داغیلدیم

چنگ اولمادا کافیر کیمی یاغی ایله باریشدیم

کفرونده قاچیردیم ییخیلارکن منه ایمان

محکم دایاق اولماقدا منادی ایله باریشدیم

چیخماز متحیر یولا مولانی گوزتلر

وار یوخ ندی تقوی کیمی هادی ایله باریشدیم