عاشیق گوزه گلمز یوخولئیلیم

مجنون دئیه رک قان  اوره ییم سن

ناز قونچا کیمین تیتره ییر آرزیم

آیقین گوزوم ایچره به به ییم سن!

باشدان  باشا اوددور باخیشین کوز

 بیر آندامین ایللیک دیله ییم سن

یاندیرساداقوی یاندیراسئوگیم

بیلمز نه یه سئودیم امه ییم سن!؟

سئوداسیز اوره ک سوسوز بولاقدیر

وورغون دوداغیمدابزه ییم سن

آخ وایلاریمیز هئچ کیمی یاخماز

بیرسن بیلیسن دینج اته ییم سن

سئومک خومار ایلقاردی یوخوندا

حسرت گوروشونده مه حه ییم سن

عشقین تانیرام بایاتلاماز دیر!

هئچ واخت دوزایتیرمز چوره ییم سن

آندایچمه میش آنلارنه دی سانجیم

آغریملا دوروشماز بیله ییم سن!

یازدیقجا قلم ایچین چکیرسوز

جاندان سئویشرکن لچه ییم سن

یانقین بولودوم سنله گورولدار

یاغدیقجا یاغیش قار ـ کوله ییم سن

عومروم نه قدر وارسنه یاننام

ساورولسادا کول تک گره ییم سن

« من من » دئمیره م منده کی « سن سن »

اولمز متـــحیـر اوره ییم سن