دوزیولومدان بوشانیب دیر قارا گون ساغ سولوموز

یوک اولوب بوینوما یولدان آسیلان قیچ- قولوموز

دؤیونر قلبی فیکیرسیز  یاشاییشدان  نه  چیخار؟

باج آلیر تازه گلیندن یوخا چیخمیش دولوموز

گئجه سیله گونوزو  بیردی  اوزو گولمه یه نین

بداصیل کنکانیمیزدان یورولوبدور دولوموز

گئجه نین باغرینی آی چاتلادا بیلمز اولدوزوم!

قیتلیق ایللرده آیاق توتدو گزن بولبولوموز

دوه نین قیسا دیلیندن نه دئسین اوزون بو؟

باغیبان سیز باغی چؤل قویدو دامارسیز چؤلوموز

تولکودن توک سالانین باخمامیشام شئر سؤزونه!

دیشی قوندارما قاریشقایلا توتارمی یولوموز؟

دامارین قانسزی قئیرت تانیسا بیرده دولار

ائله بیل  تیکان  نیشاندیر  گوله بنزر کولوموز

درهمه  گؤز  تیکه نین  گؤزلرینی دینار اویار!

بیزه ایش وئرمدی پیس گونده کی یاخشی پولوموز

      کیم بوشالدیبدی گؤررسن بو خلیفه کیسه سین؟

سانکی فیرعون شئنئلیمیش بوغولارکن چؤلوموز

بورنو شیشمز یالانین دوز- دوزه راست گلسه بالام!

متحیردی صراطیمدا، یالان ساغ- سولوموز