نئج اولار من بوگئجه سن له دولام

قفس ایچره اوچوبن دن له دولام

سیندیرام میله لری ذیکریمی نن

آیی اون دورد گئجه لیک چن له دولام

بیر اشارت له قونام دومان تئله

سوزو یوخ یوخ اوره یه هن له دولام

هنینی  ائشیتسه باغیریم ده لینه ر

گوروشن «ترا نی » یه « لن » له دولام!

داغیلان داغ کیمی  موسی سایاغی

بویوایستک  بوخونا ائن  له دولام

تله سر کن  سوزه تئز سوز  قاتیبن!

اوره یی بوشالتماغا « ان » له دولام

« لیس» سیز  سئودانی « سعی » ایمله یورام

گول ـ چیچکده ن دئیه سوسن  له دولام

نمرودون قارشینا ابراهیمه تای

خوش چیخیب نارینا برداً له دولام

حسن حوسنونده حسین تک سوسوزام

کربلا مولکونه اهلاً له دولام

«کُنت» حقّینده بومولا باغینا....

اته نه قوش کیمی سهلاً له دولام

فاطمه یلن باریشیق قورآنا تای

علوی کعبه یه احسن له دولام

فصّلت دن یول آچان نوحه باخیب

منده کوثر کیمی مأمن له دولام

یئری واردیر صلواتیملا آییق

متحیر سحره سن له دولام