اود-آلوودان نه دئییم یانقیما اؤلچو تبریزیم

قارا گؤزدن دئیرک دویمه دی مورگو تبریزیم

 گئجه گوندوز یازاراق یاتمامیشام عشقه باخین

آرزیلار دونیاسینین دریاسی کؤرپو تبریزیم

شهریارسیز منه بالسیز پتک حؤکمونده دی توی

شمعدانیمدان نه دئییم باختیما گوزگو تبریزیم

یالانین کؤکلری دیبدن قوروسا دوزده یاشار

قیشا بنزر یاییما کؤز کیمی کورسو تبریزیم

   کیشی انصافلی لاریم اوغول دوغوب عدالتین!

بیلیرم  یئریکله مز  هرزادا  تورشو  تبریزیم

آللاهین وعده سی حقدیر نیه باطیلدن اوماق؟

خوش آییلتمیشدی سولئیمانیمی بوببو تبریزیم

ائله کی حیرسی یاتیب گلدی دیله مئهریبانیم

یاشاییش بویدا گونشدیر آیی اؤرتو تبریزیم

     گؤزه لین چیرکینه یالوارماغینی کیمدی گؤرن؟

ننه قارنیندان اینانسان گؤزو توخدو تبریزیم

آنا یوردوم دئیه آذربایجانیمدی دوز سؤزوم

یالانین یوخ جانینا سالیبدی قورخو تبریزیم

زیبیل اولسامدا منی کوللویه آتماییب گولوم

منه توختاقدی اینامداشلیغی دوغرو تبریزیم

آرزیمی جیلوولاییب آغ آتیمی نوخدالاماز

بزه ییبدیر  ایچیمی  آنلاماغا  دویغو  تبریزیم

زوربالیقدان نه چیخار برک آخیدیبدیر زیلیغین!

شیرینه شیرین دئییب، شور سویا شورسو تبریزیم

دولو دؤشلردن آخان قئیرتی خان ننه م وئریب

شانلی حیدربابانین سئوگیسی سونگو تبریزیم

نقدی ساتماز نیسیه بازاردا بورک قویان دئییل

دونیا وارکن یوخودو تاریخه بورجو تبریزیم

شهریارین متحیر قاپیسی قیفیل تانیر؟!

یوخ جانیم! آچیقدی هرگون بیزه سورگو تبریزیم