دیه رین  بیلمدین آندین  اوره ییم  یاندی  سنه

جالادین  تونقالی  یانماز  اته ییم  یاندی  سنه !

پولا ساتسایدیلا مجنونلوغو آلمازدی چؤلوم

لیلاسیز عشقه اویولدون شیشه ییم یاندی سنه

سنه قوربان کسیلیم سؤزدو بو بولبول اوخوماز

آز قمیش قوی دا بسیمدیر  توته ییم  یاندی سنه

تبریزین  کوفته سینه  هاردا  چاتیب  زریش  پیلوو؟

دسته میز سهلیدی یورغون دیبه ییم  یاندی  سنه

      گئجه- گوندوز بارا قویدون بارانی چیخارمادیم

میخی  چالدین  اییلرکن  دیره ییم  یاندی  سنه

تورآتان قورسا تورون کیریق دوشر قاریشقالار

بور- بوجاقدان یورولان قان  ببه ییم  یاندی  سنه

       کور بالیقلار نییه دار بانکا دئییر دنیزلره؟

بوغدالیقدان آدام اولماز  امه ییم  یاندی سنه

نه اوموم قویون- قوزوندان دریسین ساخلا منه

یوخسا  قوردلارلا  باریشماز  اینه ییم  یاندی سنه

آرزیلار دونیاسی یوققوشدا دوغوبدور ائنیشین!

دیل- آغیزسیز مارالیم تک  دیله ییم  یاندی سنه

اووجو کروانینی اووسونلاسادا ایلان دیلین

توتا بیلمز  منی  دووشان  بیله ییم  یاندی  سنه

کول دیبیندن قاچالی یادلاری سالدین یانینا

سورتدون آبپاش بئلینی چیرک  کوره ییم  یاندی سنه

قلبیریمدن کئچن اوغلان متحیر قیریما

سؤز  وئررکن اله نیلمز اله ییم یاندی سنه