یار الینن سینیب آخیرده حصاریم بو گئجه  

مئی ناب ایچمه ده جان قویدو نگاریم بو گئجه

ال قولو آغریماسین قویمادی باغریم دلینه

نئشه میزدن  ده   مقدسدی  خماریم  بو گئجه

قورآنین وصفینه تورات ایله انجیل گله لی

منه ایوب دئدی صبریمده قراریم بو گئجه

لیله القدریده یاد ائیله دی گول شهریاریم

خسته  بولبوللره جان  وئردی  بهاریم بو گئجه

شمع کیمین یاندی بو پروانه لره جان دئیه لی

اورک آنیامدا سیلینمیشدی غباریم بو گئجه

اوز بالام سسلدی باغریندا خزان سیز  گولومو

چیرپینان قلبیمه صید اولدو شکاریم  بو گئجه

دولتیندن دئدی مولایه بو یوخسول غلامین

منی شاد ائیله دی قنبر کیمی زاریم بو گئجه

بئله بازاریده گوز تیکمه میشم کویینه من

آدینین قوربانیدیر جمله تباریم بو گئجه

سفر  عشقیده  یارب  منی  مجنون  ائیله ین

یاندی لیلت کیمی چوللرده عذاریم بو گئجه

گلجکسن بو گئجه گل ساباحی سانما عومور

یوخسا گزمیشدی خیالیندا دیاریم بو گئجه

باخیشی ایله منی درس وئردی گوزون یومدو  باخین

آشمامیشدان یولو چاشمیشدی سواریم بو گئجه

دئدی آتدیم سنی قلبیمدن اینان یوخدو یئرین

منده ووردوم داشا چیخدیم باشا یاریم بو گئجه

او قدر آغلادیم آخیرده اورک گلدی دیله

گوزلریم یاندی کباب اولدو مزاریم بو گئجه

منه خاطیر اوزولن کیمدی بو قیرخ ایلده دئیین