مرد اوغوللار نه اوچون قیر- قیزیلا گوموش دئمز

یاشاییشدان اوماراق در- دمیره بوروش دئمز

آلمانی دیشله مه میش هئیوا سویان مایماق اولار

نار ایچین دئییشن یار گؤزونه پولوش دئمز

آت یوک آلتیندا آغر- یونگول اولار ائششک آدام

یار دوداغیندان امه ن  یاد وئرنه اؤپوش دئمز

مرده نامرد دئیه نین ییغدیغی فایدا وئرمه دی

ایگید اوغلان، اوره یین یانماسینا توووش دئمز

آجی سؤزدن  کئچه لی شیرین- شیرین سؤزلر آتار

یورولان چاغدادا سیرداشینا تئز  سوروش دئمز

اوره یین  پای وئرنه  جان- جییرین پورتله مز

یولداشی قوردا وئریب سونراسی خوش اؤتوش دئمز

ائششکی  داغلاماق آسانسا  بو  نالچی ترله مز

آلا- چیی بؤورویه تای منقلینه سؤیوش دئمز 

آهی آه اوسته چکن یای گونو قیشدان دئیه جک!

قاشقاباقدان بئجره ن گولمه یینه گولوش دئمز

خان ائویندن گلن اییلر بیزی اومدورانمادی

قارنی آج رعیتین ایسته یینه دؤیوش دئمز

آجیغا مینن گولون باغرینی بیز تیکان دلر!

باخیشیندان دویوران دیللره پای- بؤلوش دئمز

توخونون آجدان خبری اولسا بئیینلر اولاماز

قیتلیق ایللرده آچیق کؤنلوموزه یوخوش دئمز

آگئده، گئده نین فرقی بو بورکلو  باشدادی

متحیرده بو باشسیز قیزیلا گوموش دئمز