شهریارسیز منه آز زور دئه یورولماز اوره ییم

 جئیران آد قویما سوسوز چؤلده توتولماز اوره ییم

هامیسی بیر بئز اولارکن قیراغیندان نه اوموم؟

تاپسا دوزگون یئرینی بیرده سوخولماز اوره ییم

گئجه دن گونوز چیخان قیشدادا یای کیمین گزر

ائشیدندیر قولاغیم چکمه بورولماز اوره ییم

عزیزی گؤزله مه ین ذلیللره یالواراجاق!

ساز بینوورمله اؤزون یورما اوچولماز اوره ییم!

کیشیلیکدن بوی آتان باغچا باغیم س.لماز اینان

قان یاشیمدان بئجرن گؤزلر اویولماز اوره ییم

آرزی کروانی چاتیب منزیله باخ سن اومودا

بوی دورارکن آراز اوستونده دورولماز اوره ییم!

بزه یه گؤزللیک آد قویسا بیری شور گؤز اولار

دریسین  فیلیق چیخارساندا سویولماز اوره ییم

کند یومورتاسینا چاتماز دئدی روز یومورتاسی

بئچه بالدان نه چیخار موملا یونولماز اوره ییم

سنده آز سوزمه یوغوردون دامارین چک اوزومه

زیم به زیم قئیرته دولدوقجا جومولماز اوره ییم

کور پیشیکدنده یازیقدیر آوارا بایقوشوموز

گئنیش اولمازسا کؤنول دارلا قوشولماز اوره ییم

اوره یین آچیقلیغی دوداقدا بنزر ماتییه !

تئز گئدر الدن اینان دیلله یورولماز اوره ییم

یاسی  توی  گؤزله  گؤرن  ساغدیشی  سولدوشلا بزر

متحیرسه گلین – بیله وورولماز اوره ییم