گولو گولدن آییران کیمدی تیکان دیللریمیز

یار اولان یئرده قوربان اولان دیللریمیز

قزیله قیزیل دئین ائکیز دوغوب سانجیلارین

تاخیلا فضله سالان کیمدی سیچان دیللریمیز

 گلیشیندن گئدیشی بللیدی سالماز یئری

تلسرکن یوبانیبدیر یورولان دیللریمیز

حقه باطیل دوندو گئیدیرنه یوخدو سؤزوم

قیوریلیبدیر ساچیمیزدان اوزانان دیللریمیز

 کسه بیلسن بو  ایلان زهرینی کس قویما چالا

یوخسا بیردن گؤرسن یاخدی یامان دیللریمیز

اوزو گولمز یالانین نیسگیلی تویدا یاس توتار

قارا  اوزدن    دئمه ییبدیر   بو    قازان   دیللریمیز

قیشدا یایدان دئیه نین کهلییی  آزماز  باشادوش

قار- کولدن یورولوب یازدا آچان دیللریمیز

الیفبانین وارسا آیاق داشینا  برک سؤیله مه سن

قاریمازدیر ال- آیاق تک بو دابان دیللریمیز

شهریارسیز گئجه لردن دئمه یین  تبریزیمه!

دوز داغیندان اوماجاقدیر آجیشان دیللریمیز

آمما بوندان بئله عشقین دیلی کسگیندی گولوم

شمع کیمی یانمادا پروانه دوغان دیللریمیز

دئینه یانسا یان اولسون بو ثریامیزا سن

متحیردی آراز تک بورولان دیللریمیز

آز بورول منده چیمیم آی دلی قازیم قاناد آچ

قوروشوب یئر- گؤیوموز تک بیر اوچان دیللریمیز