گذریم دوشدو لب یاره  ایلان چالدی منی

پته یین گورمه دیم ای وای آریسی سانجدی منی

بو نه بالدیر زهر اولموش داغیلیب هر یانیما

قوروموش دیل دوداغیمدان ائله بیل آسدی منی

قاچا قاچ دوشدو کی لیلاسی گلیر درمان ائده

یول وئرین فرهادا شیرین کیمی آلداتدی منی

بو یازیق مجنونا مندن سونرا درمان یوخدور؟

کی من اوندان بترم دانلادی پیس قاتدی منی

  یئکه بیر داشلا منی داشلادی هئچ زاد دئمه دیم

دئدی دارتیلمامیسان بوغدا کیمی دارتدی منی

کئچمدیم من اله ییندن  باشی  داشلی  قلبیریم

سیندی بیرد نبیره یارب یئره آغناتدی منی

قار کولکدن چیخاریب چکدی شیشه کهلی ییمی

اوجا یئردن اله ییب کول باشیما ساتدی منی

آلدی  بیگانه  نی   باغریندا  بئجرتدی   گول  کیمی

منده  قالدیم آیاق آلتیندا اوگئی سایدی منی

دئدی سوییام دریوی باخما منیم یایدانیما

قمه قداره چکیب داغ کیمی شوملاتدی منی

سوردو آردینجا یامان سرمه چیخاتدی مندن او

قاش نه لازیمدی بالام گوزلرینه یاخدی منی

دئدیم آللا هه   باخیب  شیطان  آتیندان  ان  یئره

دئدی  قادیردی  کریم  آللا هیمیز    داندی منی

بو نه سئودادی خدایا هامی سندن دئییری

شب قدریمدی گمان هئی دئییب آغلاتدی منی

سنی مولا بیزه باخ پنج تن عشقینده یاناق

یوخسا بیر تاپماجایام ایتمه  میش  هئی  تاپدی منی

ایتمرم یولدا بو چوللرده جانیم چیخمالیدی

یوخ جانیم قورخما صراطدان یولا تئز سالدی منی

متحیر گوزون آیدیندی بالام آیدین اولا

ائله بیل خان ننه دیر باغرینا تئز باسدی منی