خمیریم چوخ سو آپارماز اله ییب شهریاریم

برکت سفره می یارب بزه ییب شهریاریم

چوخ پیشیب، یاخشی پیشیب داد  دوزون حافظ له وئریب

لاپ قوناق مالی دی جاندان پیشیریب شهریاریم

طبع شعریم قالانیب چاتدی ثریایه دئیین

خبرین واردی کی سن سیز مله ییب شهریاریم

فرهادین قسمتی یوخ بال دوداغیندان بیر امه

بو شیرین چای دانه چای لاپ اریییب شهریاریم

غیرتین قوربانی مینبر قویمادا یوخدور الین

اولمه رم بیرده بالام من دیریلیب شهریاریم

سن منیم روحوما چوخ فاته وئریب شاد ائله دین

ائوین آباد اولا یاسین گتیریب شهریاریم

الینی اوزمه قورآندان آمانین بیر گونودور

نه قدر تای توشا خاطیر اوخویوب شهریاریم

یوک آغیرلاشدی منه یول دا دولو داش قومونان

       گوز یاشیمدان  اومالی برک وورولوب شهریاریم

ساوالان بویدا سهندیمده دماوند اوتوروب

باشی  طوفانلیدی مندن  دئییشیب شهریاریم

قوجا شیطان فئلینه اویما اورکدن قولاق آس

من کوسرکن دده وای تئز باریشیب شهریاریم

گئدیر الدن نه قدر آغلاسین آللاهه  باخین

اولیاسیز هامیز آنجاق ییخیلیب شهریاریم

جامی سینسا بیلیرم داشلاناجاق هر یانیما

متحیر شمعی سونمز یاندیریب شهریاریم