عشقین بترین منده داغیتدیم دئدی یاریم

یئر سهلیدی گویلرده ده آد تاپدی نیگاریم

من من دئمه شیطان سوزونه اویما یازیقسان

بوغچامدا عمل یوخدو بو قیشدا ندی باهاریم

مجنونه ئیین من نه بیلیم لیلاسی هاردا؟

فرهادا خبر وئرمه کی شیریندی شعاریم

چوخ یوردور بو قازماق منه بویلاندی کولوکده

بئل قاخمادی یارب اود آلاوداندی غباریم

کؤز سوزدور بالام قیمتی یوخدور آز دانیش سن

اوددان چیخالی گور نه یامان چیللدی ناریم

 کوزمک ندی  بیلمزصاف آدام  وای بو یارامدان

آی سسله مه دیم کولگه ده گون تکدی شکاریم

پیس گونلریمیز یار دئیه لی دوشمنه قسمت

آرتیق یئمک اولماز هانی بوغچامدا کی عاریم

بیر دانه دن اوترو زیله دوشدوم بودا بوغدام

قورخماز بو گونوز یول گئجه لردندی قراریم

عنقا کیمی روحوملا سماواتی گزرکن

قاف داغی دی منزل منه گویدندی  وقاریم

هر بیر زادی گوزدن آتالی تک  له له دیم من

بیر من واریدیم بیرده او یاربله خوماریم

سن من یوخوموزدور بئله معراجه گئدرکن

جبریمده قازاندیم سنی دانماز اختیاریم

کیم کسدی جانیمدان منی جانا سنه قوربان!

اولمز متحیر دیریلیبدی شهریاریم!