اون سو دوزسوز خمیره چؤرک  دئمزلر  آی  داداش

اودسوز ات پارچاسینا اورک دئمزلر آی داداش

کیریخیب جییر دئسنده اوره ییم یانار سنه!

دیلده کی اورک لیییه زیرک دئمزلر آی داداش

 گؤزه نامرد دئمه مرد اللریمیز گؤز چیخاریب

آسیه گول خانیما ملک دئمزلر آی داداش

دونیانین قویروغونا قیسا دئین فرعونومون

اوزونه جهنم اول کؤپک دئمزلر آی داداش

انسانین قیمتی جنتدی بویوردو مولامیز

ساتسا  هر کیم  اوجوزا  شیشک دئمزلر  آی  داداش

شیشلی ییندن کئچه نی دونیا چکنمز شیشه بیل!

آخرت سئوداسینا امک دئمزلر آی داداش

 آزشووه ن  رفده  کی یورغون چینی بوشقاب– کاسانا

ایش وئرن قلبیریمه الک دئمزلر آی داداش

گوجو وئرسن انگینه تامارز یلیق بوغار سنی

تکجه قارنین بیلنه اینک دئمزلر آی  داداش

 دا بسیندیر متحیر سؤزو قایتار یئرینه !

اولان اولدو کئچه نه دیلک دئمزلر آی داداش

گله جکدن اومالی کئچمیشه حسرت یئمرم

اوزده بیر چالخا مینا بزک دئمزلر آی داداش

اوره یین بزنمسه یاغلی– یاوان  بیردی  سنه

تیکان آدلی بیز – بیزه چیچک  دئمزلر آی  داداش

چاپا بیلسن داشا تای چاپ منی سیلدیریم جانیم

یوخسا ایسن  یادا بیل کورک دئمزلر آی داداش

کوره یین معناسی جوتدور دایاق اول بیرده منه

قارا یاخسان دوزه آغ لچک دئمزلر آی داداش

شهریاریم دئیه لی بیر ائولی لیک ییغیشدیرین!

گؤزوم اوسته یئرینه گرک دئمزلر آی داداش