گزدیرر غیرتلی اوغلوم باشدا آذربایجانی

جان دئییب یاییندا ساتماز قیشدا آذربایجانی

گؤز یاشیم یارلا باریشمیش، اوره ییم سئوینمه ده

کئچمه ییب هئچ اؤلکه یاریم بویدا آذربایجانی

 غنچه م آچدیقجا  گولوم تیریم–  تیریم اسیب سنه

قوچ نبی لر نسلی قویماز یولدا آذربایجانی

فیکره جومدوقجا ثریا یاراسی چیخدی ساغا

شهریاریم درمان ائتمیش تویدا آذربایجانی

تبریزیم گؤزلرین آیدین یئنه  دوغدون تا ییمی!

شیطانین دار گؤزو گؤرمز یوخدا آذربایجانی

وار–  یوخون چکمه اوزه قاچاق نبی دن بیر اوتان

حاتمه ناز ائله ییب دیر آددا آذربایجانی

نمرودا قوربان کسن اسماعیل آدلانماز خلیل

حق دئیرکن جنت اولموش اوددا آذربایجانی

در و یاقوت ایله پئشوازه زلیخام گلسه ده

یوسفه تای وئرمه ییب جان قوردا آذربایجانی

یعقوبون آغلار گؤزوندن متحیر کنعانیم

توی توتار مصرینده گون تکذ  آیدا  آذربایجانی

شوکر اولا  مغضوبلوغون  دونیاده   بیر کس گؤرمه ییب

مستقیم یولدان سووای ساغ سولدا آذربایجانی

اهدنا دن آشدی– داشدی نعمته عقبی بیزه

بوندان آرتیق خوش  یاشات  وارلیقدا  آذربایجانی

ایرانین باشینی یارب دئیه چوخ گؤرمه بیزه

یئر– گؤیون شرریندن آللاه ساخلا  آذربایجانی