زیل قارانلیقدا آچیبدیر گوزومو شهریاریم

هامیدان خوش قانیب آخیر سوزومو شهریاریم

زیققی  عاشیقلره قسمت  گوجه ایله معشوق  اولار

چئویریب قصره دومان کوللویومو شهریاریم

ایتیدیب آغزیمی عشقین بیلیننده باخ دیله

تانیدیبدیر  بو یالان ساغ سولومو  شهریاریم

دئدی بیر دینجلک اوغلوم یولا نردیبان قویاق

چای سوزرکن آشیریبدیر  یوکومو شهریاریم

یالانین بورونو سوک دوک ایچی میز دیلیم دیلیم

ایریلردن آییریب دوز یولومو شهریاریم

سولا بیلمز گولومون شمع جانی پروانه دی بیل

قالدیریب گویلره سینمیش قولومو شهریاریم

بو سینیقدان باشی چیخمازدی اباذر داداشین

اؤیردیبدیر منه یارسیز  دوزومو شهریاریم

دئدی یارب  دوزومون  آلما  بو حئیران  بالامین

دولدوروب جام جمیدن کوپومو شهریاریم

کوپویوندن  گئچه لی تاپدی آراز ایچره   منی

هوشلانارکن قاچیدیبدیر یوخومو شهریاریم

بیر  دعا قیلدی من آمین دئمه دیم  گولدو  منه

داها وئرمز سووا قالین گونومو شهریاریم

دئدی قسمت  بویوموش سن جانی قربان ائله دین

کسیب آخیر گول الیندن قوزومو شهریاریم

گون چیخان یئرده آییم باتدی فنا چوکدو دیزه

آیریلیقدان دئمه یولسون توکومو شهریاریم

متحیردی بو لیلا سنه مجنون دئیه لی

داددی فرهاد کیمی شیرین اولومو شهریاریم