هله اون دورد یاشی وار اون بئشه چاتماییب گولوم

دوداغیندان نه دئییم غنچه سین آچماییب گولوم

بد اصیلدن اومان انسان  یاشاییشدان  دویاجاق

بو شیرین باللی دیلیمدن هله دادماییب گولوم

ایگید اوغلان قیزا بئل باغلاسا هر کیم اوجالار

قارلی داغلار کیمی اوز دوستونو تاپماییب گولوم

دوست آدیلن ائویمی ییخدی بو نامرد گده لر

قوی ییخیلسین بو وفاسیزلاری سایماییب گولوم

خوش گونومده باشمی اوخشادیب ائششک باشینا

آمما بوندان بئله انسان لیغی دانماییب گولوم

اوز خیالیندا گزیب چوللری مجنون سایاغی

منه لیلا دئییب ان کونلومو  آلماییب گولوم

بو نه دوستلوقدو کی یانمیش اوره یی یاخدی گینه

یوزه یوزه یانسا جانیم بیر کره یانماییب گولوم

دردین اولموشسا گتیر درمانیم حاضیردی منیم

گئجه گوندوز منه یار اولما دایاتماییب گولوم

دونیانین  لاپ گوزه لی کیمدی بزه ک سیز اوره ییم

کیرشانین قیمتی ائننیکدی کی یاخماییب گولوم

سنه قوربان کسیلیم سوزدو اوتانسان دئمه سن

یوخسا وار دولتیم آشدیغجا سو آشماییب گولوم

منده ال چیرکینه جاندان کئچه نی ساتمامیشام

آغاجیمدان کئچه لی  کولگه می  ساتماییب گولوم

سنده باش قوی چوله آختار متحیر  بالانی

شهریارین  بویونا  کیمسه سی  چاتماییب گولوم