شهریاریم  بالاسین  یوخلادی  یلدا   گئجه سی

بوزابوزدان دئمه عاشقلره سودا گئجه سی

قار کولک سهلیدی قطبئینیده بوز داغلارینی

اریدیب نار محبتده بو رویا گئجه سی

یوخومون چوخ دیه ری قول بویون اولماقدا کئچیب

آخرتدن دئییب آنجاق منه دنیا گئجه سی

هی یونوب قلبیمی آخیرده قلم چیخدی اوزه

قان     داماریمدا    مرکبدی   الفبا   گئجه سی

باشلادیق عشقی یازاق مجنونا دوندو خطی میز

بو شیرین سوزلری فرهاد دئیه لیلا  گئجه سی

عشقی آختارما تاپانمازسان اوغول یوخدو وفا

آیی   اولدوزلا   باریشدیرما   ثریا   گئجه سی

یوخ صنم آنلامادیم عفوینی گوستر هامییا

اجرین آللا ه هینان اولسون دئدی شوری گئجه سی

او کرم صاحیبیدیر سن بو قارانلیق گئجه ده

الینی اوزمه دعادن بو تمنا گئجه سی

هر نه ایسترسن اجابت قیلاجاق گوینه بیر آز

شیطانا ایمه ناماز اوسته بو اغوا گئجه سی

سجده شوککر ائله ییب دونیانی قویدوق دالییا

منله معراج ائله ییب عرشیده طوبی گئجه سی

بیزه طوبی دئدی مولامیز علی شیر خدا

متحیردی مناجاتیما احیا گئجه سی