گول گوله گول دئمسه تیکان گولر گوللریمه

آجی سؤزدن بئجرن یالان گولر گوللریمه

صاباح  ایسه  دونن، بوگون  چاتار   ایسته یینه

بو گونون  گولمه یینه  چاتان  گولر  گوللریمه

یالانا گؤز  تیکه نی  دوستلوغا  توتمازدی  دوزوم

یورغون- آرغین آتیمی قووان گولر گوللریمه

اوجا  داغلاردان  آشارکن  دره نی  دالازلاماز

یام- یاشیل تارلامیزی دویان گولر گوللریمه

ننه قارنیندان آجیق ائتسه بیری چیخار گونه!

دونیامیزدان نه دئییم یوران گولر گوللریمه

نه قدر یورسا بیلسن ییخا بیلمز بیزی قان

دوستو پیس شیخدا قویوب قاچان گولر گوللریمه

خوش باخیشدان سرز آچان دیللریمیز یورولماسین

بیزه تای بیزدن اومان، یامان گولر گوللریمه

آری یا    بال    دئمه میشدن    پته یین     کورلامیشام

آجیماز ساریمساغیم، سوغان گولر گوللریمه

عیبی یوخدور بو داوارجیق نه قدر توتسا تپین!

بو دلیکدن باج آلان، سیچان گولر گوللریمه

یاشاییشدان اومان اوغلان یاشاییش بویدادی قیز!

سؤز وئررکن سؤزونه دوران گولر گوللریمه

تاوانین یاستی سینا قاش اوینادار اینجه لیوان!

دیک داباندان نه چیخار، ساتان گولر گوللریمه

متحیر ساتان اولسایدی آلاردی دونیاسین

کیم آلیب آخرتین، تاپان گولر گوللریمه؟