عاشیق لییمی دریا  بیلیب مجنونا  دؤندو

چؤللرده یانان دورنا بیلیب مجنونا دؤندو

نامردلره سؤز وئرسه ثریا اؤلرم من!

شیرین سؤزومو لیلا بیلیب مجنونا دؤندو

فرهاد آدینی شهریارا قویدو بو بالتام

داشلاردا گزن ساچما بیلیب مجنونا دؤندو

عاشق عالمین گزمه یه بیر یول تانیرام من

یانماقدادی بو قان داملا بیلیب مجنونا دؤندو

کولدنده بتر سوورولاجاقدیر گؤیه کؤنلون

یاس توتمامی شان خونچا بیلیب مجنونا دؤندو

قیپ- قیرمیزی دینج آلمانی هئیوا سسله مزلر

قوربتده سولان تارلا بیلیب مجنونا دؤندو

زوققولدا ها زوققولدا نه گؤینردیم اورکدن!

گولمکدن اومان قاققا بیلیب مجنونا دؤندو

تئز مقصده چاتمازمی یول ایله باریشانلار؟

تبریز  کیمی لر  چوخجا   بیلیب   مجنونا   دؤندو

ستارخانا قئیرت سؤزونو کیم اؤیردیبدیر؟

پئیسردن اومان شابپا بیلیب مجنونا دؤندو

هرکیم مینه اؤز آتینی ، گئجه قالماز

دوز ایشده بیشن اوستا بیلیب مجنونا دؤندو

آغ گج قارانین اوستونو بیر واختاجا اؤرتر

چیخدیقجا اوزه هوققا بیلیب مجنونا دؤندو

دوزلوکده بیشن خوش تیکه ایریلره خوش تیکه اولماز

صبریمده قالان دونیا بیلیب مجنونا دؤندو

گون فهله سینه تای متحیرده قورالمیش!

توتدوقجا اؤزون حالوا بیلیب مجنونا دؤندو

اینیمده کی کؤینک اوتانیردی قنبریندن

یونیس  دیه رین  ناققا  بیلیب  مجنونا  دؤندو

سئچمه یوخوموزدور دئدی طماره آییرما

مولا سؤزونو خورما بیلیب مجنونا دؤندو