شهریارین مکتبینده عشق الیفباسین تانی

درهم آلماسین یئیرکن سئچمه هئیواسین تانی

یار نشانین گؤرمه سین چای سوزمه کولباش قاصیده

لاققا لاق قاینار اوجاقسیز یاغلی شورباسین تانی

چوخ آییق دوش هرگلن لئیلایه مجنون اولما سن

اؤپمه میش شیرین دیلین باشیندا سئوداسین تانی

پنجه سیز  باشماقلاریم باش  یاغی ایستر فرهادیم

اوز سوزون خوت شالواریندان یئکه توققاسین تانی

مرد اوغوللار توققا آشماز سیز باخین کئچمیشلره

عمروعاصین یونجاسیندان رنگلی تورباسین تانی

زیر زیبیلدن کئچمییه ن  آرتیق یئیر دستمال چکر

قورد قوشون تئز دوغماسیندان کژ زوغ آتماسین تانی

      کولگه سالماز یولدا دیرناقسیز آغاجدان اومماسن

قاش قاباقلی گول چیچکدن یاسلی باغچاسین تانی

ذیل قارانلیقلاردا دوستاق  چکمه ین  بیلمز  ندی

سؤزلو انسانین اورکلنمیش  قابیر قاسین تانی

       گنج قارون ایسته مه دویماز گوزون فرعون  ندی

ملک داوود اوغلو ایسترسن قاریشقاسین تانی

اسکیک آرواددی بو دونیا یه  وورولما  یونسیم  

دریاسیندان کئچمه میش گل قورخما ناققاسین تانی

کوسه ین قلبی  باریشماز  تویونو  یاسه  بزر

بوغداسیندان قاچ بو دنیانین دوز آرپاسین تانی

ائوی یوخدور عشقیمین ییلاقی قیشلا  دیر منه

کوچه بیلمز متحیر  کوچه دونیاسین تانی