چاتدی آخیرده منا وصلینه قربان یوکوموز

مصره دعوت دی سراسیمه بو کنعان یوکوموز

یول کسن چوخدو بو یوللاردا زلیخای هوس

قیجیدیب دیشلرین آشین یولا ایمان یوکوموز

بزه ییب دروازانی گول گتیریب پئشوازیما

آز قالیر یوسیفه تای بئل بوکه احزان یوکوموز

صبر ایوبی چاغیردیم دئدی اسماعیله باخ

بو تجارت ده چاتار نطلبه خسران یوکوموز

شیطانین کور گوزونه اوخدو بو یارب لری خیر

  قویما رسوالیغا چکسین بیزی شیطان یوکوموز

طرفه العینی ده دریانی سوکوب موسی‏میزا

نوحه تای موجه سوار اولدو بو طوفان یوکوموز

آلتی فرسخ قالاییب نمرودا تای آتش کین

اود - آلاودان کئچیب آسوده گلستان یوکوموز

آدمین وصفینه عاجزدی ملائک قلمی

           گتیریب‏دیر یولا حوانی بو هیجران یوکوموز

وق و ذوقیله  وئریب باشه دئییب  آنلامادیم

ایمز حیوان کیمی  شیطان‏لیغا انسان یوکوموز

هل اتی‏دن اوتانیب آغلادی مذکور اولالی

لم یکن حقینه کافیردی بو نیسان یوکوموز

یولا   لازیمدی بلا دوستلارا خاطیر یارانیب

توبه قیلسان چاتاجاق منزیله غفران یوکوموز

هره اوز دردینه مشغول اولالی چیخدی ساحا

آب کوثرده تاپیب دردینه درمان  یوکوموز

راضی دوشمز دی دیوانه‏می ناکام ائله‏سین

یاعلی سسله‏دی یوللارداکی حیران یوکوموز

عارضین گوردو جانیم چیخدی دوداقدان نه دئییم

 گئتمه، ای قبله جانان دئدی گریان یوکوموز

متحیر دولانیب شاه ولایت باشینا

اهل بیت ایله چاتیب منزیله قورآن یوکوموز